أردوُغان اژه دنگیزیندأکی آدالار باراسیندا بیانات بردی

تۆرکیأنینگ جمهورباشلیغی رجب طیب أردوُغان اژه دنگیزیندأکی یاغدایلار حاقیندا،

"یاراغسیزلاشدیرماق یاغداییندا بوُلان آدالاردا ایلالاشیقلارا قارشی ادیلیأن حاربی ایشلره دیمیق قالیپ بیلمه‌ریس" دیدی.

أردوُغان ایکی گۆنلۆک امارات ساپاریندان سوُنگرا تۆرکیأ قایدیپ گلیأن ماحالی اوچاردا ژورنالیستلارینگ سوُراغلارینا جوُغاپ بردی.

بیر ژورنالیست "یونان ینگ اژه دنگیزیندأکی آدالارا یاراغ آلیپ بارماغی مسئله سی سبأپلی تۆرکیه بیلن یونان ینگ آراسیندا دارتغینلیق بار" دیدی. أردوُغان بوُلسا،

"یاراغسیزلاشدیرماق یاغداییندا بوُلان آدالاردا ایلالاشیقلارا قارشی ادیلیأن حاربی ایشلره دیمیق قالیپ بیلمه‌ریس. بو مسئلأنی بیرلشن میللتلر قوراماسی نینگ گۆن ترتیبینه گتیردیک. اؤنگۆمیزدأکی دؤوۆرده ده بو مسئله گۆن ترتیبیمیزه گتیریلمأگه دوُوام ادر" دیدی.

أردوُغان روسیا بیلن اوکراینانینگ آراسینداقی دارتغینلیغی یاقیندان ایزارلایاندیغینی آیدیپ،

"بؤلگه ده چئندان هم بیر ساواشینگ باشلاماغی خایرا عالامات دأل. شیله بیر یاغدا بؤلگأنینگ دورنوقلیلیغی تایدان قوُوی بوُلماز" دیدی.