أردوُغان: کریمه تاتارلاری نینگ حاقلارینی قوُراماغا دوُوام ادریس

تۆرکیأنینگ جمهورباشلیغی رجب طیب أردوُغان "هر شرط‌ده تۆرکیه حؤکمۆنده کریمه ده یاشایان تاتارلار و شوُل یر باسیلیپ آلیناندان سوُنگرا کریمه دن چیقماغا مجبور بوُلان تاتارلارینگ حاقلارینی قوُراماغا دوُوام ادریس" دیدی.

تۆرکیأنینگ جمهورباشلیغی، تاتارلارینگ کریمه ده سۆرۆلمه گی نینگ 80-نجی ییلی سبأپلی کریمه دأکی تاتارلارینگ یاغدایینا اۆنس چکدی.

تۆرک یوُلباشچی "شو گۆن کریمه دأکی تاتارلارینگ سۆرۆلمه گی نینگ 80-نجی ییلی. کریمه دأکی تاتار دوُغانلاریمیزی اؤز انه یورتلاریندان قوُپاریپ شو گۆن هنیز ده قینچیلیقلاری یۆره‌گیمیزده بوُلان اولی غام- غوصصالارا سبأپ بوُلان بو آغیر یاغدایی قینانچ بیلن یاتلایارین و شوُل گۆنلرده آرادان چیقانلارا آلله دان رحمت دیله‌یأرین. هر یاغدایدا بوُلسا دا تۆرکیه حؤکمۆنده کریمه ده یاشایان تاتارلار و شوُل یر باسیلیپ آلیناندان سوُنگرا کریمه دن چیقماغا مجبور بوُلان تاتارلارینگ حاقلارینی قوُراماغا دوُوام ادریس" دیدی.

نأچه یۆزییل کریمه یاشایان تاتارلار 1944-نجی ییلینگ 18-نجی مای گۆنۆنده جوزف استالین ینگ بویروغی بیلن کریمه دن قوُولیپدی.

شوُل سۆرگۆنده، اؤز دوُغدوق دیارلاریندان سۆرۆلن تاتارلارینگ یاریسینا قوُلایی آچلیق، سوسوزلیق و دۆرلی کِسِللر سبأپلی آرادان چیقیپدی.

بو سۆرگۆنده 200 مۆنگدن کؤپ تاتار کریمه دن زوُر بیلن اؤزبگیستان، ماری ال، قازاغیستان و روسیا یالی یرلره ایبریلیپ آغیر یاغدایلاردا یاشاماغا مجبور ادیلیپدی.

اوکراینا، لتونیا، لیتوانیا و کانادا بو سۆرگۆنینگ قیرغینچیلیق بوُلاندیغینی رسمی یاغدایدا ایغلان ادیپدی.