بۆتین دۆنیأ توریسم قوراماسی نینگ ماصلاحاتی سمرقندده گچیریلیأر
ماصلاحاتینگ آچیلیش داباراسیندا اؤزبگیستان ینگ جمهورباشلیغی شوکت میرضیایف بیانات بردی
بیرلشن میللتلر قوراماسینا باغلی بۆتین دۆنیأ سیاحاتچیلیق قوراماسی نینگ 25-نجی ماصلاحاتی اؤزبگیستان ینگ سمرقند شهریندأکی "بیک یۆپک یوُلی" حالقارا سیاحاتچیلیق مرکزینده باشلادی.
ماصلاحاتینگ آچیلیش داباراسیندا اؤزبگیستان ینگ جمهورباشلیغی شوکت میرضیایف بیانات بردی.
میرضیایف ادن چیقیشیندا سیاحاتچیلیغینگ أهمیتینه اۆنس چکدی و اؤزبگیستان دا سوُنگقی ییللاردا توریسم پوداغیندا رفرم گچیرلندیگینی آیتدی.
اؤزبک یوُلباشچی دینگه سمرقنددأکی سیاحاتچیلیق پوداغی اۆچین 1 میلیارد دلار مایا قوُیولاندیغینی یاتلاتدی و توریستلار اۆچین هتل اوُتاغلاری نینگ اؤزبگیستان دا 140 مۆنگ اوُتاغا یتیرلندیگینی آیتدی.
میرضیایف اؤزبگیستان دا 35 یوُقاری اوُقوو جایی نینگ توریسم پوداغیندا ساپاق بریأندیگینی ده سؤزلریه قوُشدی و اؤزبگیستانا گلیأن داشاری یورتلی توریست سانی نینگ 400 گؤتِریم یوُقارلاندیغینی نیغتادی.
اؤزبگیستان ینگ جمهورباشلیغی 2025-نجی ییلدا داشکنت- خیوه یۆورۆک ترنی نینگ ایشه باشلاجاقیغینی و بو قطارینگ 2026-نجی ییلدا نوکوس شهرینه یتجکدیگینی آیتدی.