تۆرکمنیستان طبیغی گازینی اوروپا ایبرمه‌ک ایسله‌یأر

تۆرکمنیستان ینگ داشاری ایشلر وزیری رشید مردوف تۆرکمنیستان ینگ ترانس حازار گأز گچیریجی توربا پروژه سی اۆچین طایاردیغینی بیلدیردی.

مردوف تۆرکمنیستان ینگ بو توربانینگ چکیلمه گی اۆچین اوروپالی یورتلار بیلن حیذماتداشلیق اتمأگه طایاردیغینی حابار بردی.

حازار دنگیزی گۆنی سبأپلی آشغابات دا "حازار دنگیزی پاراحاتچیلیق و دوُستلوق دنگیزی" آدیندا کنفرانس گچیریلدی.

کنفرانس دا چیقیش ادن تۆرکمن وزیر، "یوردومیز، حازارینگ گۆن ترتیبیندأکی بۆتین مسئله لری دیالوگ بیلن چؤزگۆده قوُوشورماغا طایاردیر" دیدی.

رشید مردوف تۆرکمنیستان ینگ انرژی پوداغی نینگ دۆرلۆلِشدیریلمه گی استراتژیسینه أهمیت بریأندیگینی یاتلاتدی و ترانس حازار طبیغی گاز گچیریجی توربا پروژه سی نینگ دینگه ایقدیصادی- تیجاری بیر پروژه بوُلماندیغینی، شوُل بیر واغتدا گلوبال انرژی حوُوپسوزلیغی تایدان دا أهمیتلی بوُلاندیغینی نیغتادی.