میرضیایف: ایران بیلن اؤزبگیستان ینگ قاتناشیقلارینی یوُقارلاتماق أهمیتلی‌دیر
داشکنت‌ده بوُلان ایران ینگ داشاری ایشلر وزیری، اؤزبگیستان ینگ یوُلباشچیسی تاراپیندان قابول ادیلدی
1937854
اؤزبگیستان ینگ جمهورباشلیغی شوکت میرضیایف، اکو قوراماسی نینگ داشاری ایشلر وزیرلری نینگ ماصلاحاتینا قاتناشماق اۆچین داشکنت شهرینه گلن ایران ینگ داشاری ایشلر وزیری حسین امیرعبداللهیان-ی قابول اتدی.
ایلکی بیلن ایران ینگ جمهورباشلیغی ابراهیم رئیسی نینگ سالامینی یتیرن امیرعبداللهیان، ابراهیم رئیسی نینگ اؤتن ییلینگ سپتامبر آییندا اؤزبگیستانا رسمی ساپار قوراماغی نینگ قاتناشیقلارینگ اؤسمه‌گینه اولی قوُشانت قوُشاندیغینی آیتدی.
اؤزبگیستان ینگ یوُلباشچیسی دا بو قابول ادیلشیکده، ایکی تاراپلی دوشوشیقلارینگ یوُقارلاندیغینی و سؤودا قاتناشیقلاری نینگ دورنوقلی یاغدایدا اؤسیأندیگینی نیغتادی.
شوکت میرضیایف چابهار و بندرعباس اسکله لرینی ایشجنگ اولانماق و لجستیک قاتناشیقلارینگ یوُقارلاتماغینگ أهمیتینه ده اۆنس چکدی.
