تۆرکیه ماوی بایداقلی پلاژ تایدان دۆنیأده اۆچۆنجی یورت

تۆرکیه ماوی بایداقلی پلاژ تایدان شو ییل دۆنیأده اۆچۆنجی اوُرنی ایه له دی.

حالقارا ماوی بایداق توُپاری 2023-نجی ییلدا ماوی بایداق بایراقلاری نینگ ایه لرینی مألیم اتدی.

دانمارک داقی قوراما، تۆرکیأنینگ یاغشی و استاندارد پلاژ سانی تایدان دۆنیأده اۆچۆنجی اوُرنا ایه بوُلاندیغینی بیلدیردی.

تۆرکیه ده 551 پلاژ، 23 اسکله، 14 توریسم گأمیسی و 10 قاییغی ماوی بایداغا ایه.

دۆنیأده اینگ کؤپ ماوی بایداغا ایه یورتلار اسپانیا و یونان.

تۆرکیه بیلن فرانسیا بو یورتلاری ایزارلایار.

تۆرکیه ده اینگ کؤپ ماوی بایداغا ایه بوُلان ولایات آنتالیا ولایاتی.

آنتالیادا 231 پلاژ، 5 اسکله و 14 توریسم گأمیسی ماوی بایداغا ایه.

موغلا، ایزمیر و آیدین بوُلسا سوُنگراقی ماوی بایداغا ایه ولایاتلار.

سامسون، چاناق قالا، مرسین، قوُجاالی، تکیرداغ، بارتین، قیرقلار الی، اردو، بورسا، زوُنگولداق، ایستامبول، ساکاریا، دۆزجه، وان، ادرمیت و یالووا دا ماوی بایداقلی پلاژلاری بوُلان بیله کی ولایاتلار.