فوتبال: پاری سن ژرمن ۳- رئال مادرید ۰

گالاتاسرای بیلن بیر گروهدا بۇلان پاری سن ژرمن فوتبال تۇپاری اسپانیانینگ مشهور تۇپاری رئال مادریدی دارغاتدی.

پارک د پرنسس ده اۇینالان یاریشدا پاری سن ژرمن اسپانیول تۇپارینی ۳-۰ حاسابی بیلن ینگدی.

آنحل دی ماریانینگ ایکی گلی بیلن ایلکینجی یاریمدا ۲-۰ اؤنگه گچن پاری سن ژرمن، مونیرینگ سۇنگقی داقیقادا اوران گلی بیلن تانیمال بأسده‌شینی ۳-۰ ینگدی.

شیله لیک بیلن پاری سن ژرمن ۱۹۹۴-نجی ییلدان بأری ایلکینجی گِزه‌ک رئال مادرید فوتبال تۇپارینی ینگدی.

بو یاریشدا نیمار و امباپه یالی مشهور فوتبالچیلار اۇینامادی.

پاری سن ژرمن ۳ بال بیلن گروهی نینگ بیرینجی اۇرونینا ایه بۇلدی.

گالاتاسرای بیلن کلوپ بروژ دا ۱ بال بیلن ۲-نجی و ۳-نجی یرده دوریار.

رئال مادرید بۇلسا ۰ بال بیلن سۇنگقی اۇرونی ایه له یأر.