قاهرامانلار لیگی: ناپولی ۲- بشیکتاش ۳

یوفا قاهرامانلار لیگی‌نینگ ب گروهینداقی ۳-نجی بأسله‌شیکلرده تۆرکیأنی وکیلچیلیک ادیأن بشیکتاش فوتبال توُپاری ۱۸ بأسله‌شیکدن بأری اوروپا یاریشلاریندا ینگیلمه‌یأن ایتالیان ناپولی فوتبال توُپارینی ینگدی.

بشیکتاش ینگ گللارینی ۱۲-نجی داقیقادا آدریانو و ۳۸ و ۸۶-نجی داقیقادا وینسنت ابوبکر اوردی.

ناپولی نینگ گللارینی ۳۰-نجی داقیقادا مرتنس و ۶۹-نجی داقیقادا گابیادینی اوردی.

بشیکتاش بو تاریحی ینگیشیندن آلان ۳ بالی بیلن ۵ بالا ایه بوُلدی و ۶ بالی بوُلان ناپولی فوتبال توُپاریندن سوُنگرا ۲-نجی اوُرونی ایه‌له‌دی.

بشیکتاش دان سوُنگرا بنفیکا ۴ بال بیلن اۆچۆنجی و دینامو کیف ۱ بال بیلن دؤردۆنجی یرده دوریار.

ب گروهینداقی باشغا بأسله‌شیکلرده بنفیکا ۲-۰ دینامو کیف-ی ینگدی.

بیله کی توُپارلاردا آلینان نتیجه لر شیله:

دینامو زاگرب ۰- سویا ۱

بارسلونا ۴- منچستر سیتی ۰

کلوب بروژ ۱- پورتو ۲

پاری سن ژرمن ۳- بازل ۰

ایتالیادا سن پائولو استادیومیندا اوُینالان ناپولی- بشیکتاش بأسله‌شیگینه کؤپ سانلی بشیکتاش تاراپداری دا تۆرکیه دن قاتناشدی.

استادیومدا ۳ مۆنگ تۆرک تاراپدار بشیکتاش فوتبال توُپارینا قوُلداو بردی.