روسیانینگ قوُرانماق وزیری اۆیتگِه‌دی

روسیانینگ جمهورباشلیغی ولادیمیر پوتین قوُرانماق وزیرلیگینه باش وزیرینگ اوُزالقی اوُرونباساری آندری بلوسووی گتیریأر.

پوتین بلوسووی نینگ آدینی روسیانینگ فدراسیون گنگه شی آدینداقی مجلیسه بردی.

روسیانینگ یوُلباشچیسی، شو واغتقی قوُرانماق وزیری سرگی شویگونی دا داشاری ایشلر وزیری حؤکمۆنده تکلیپ اتدی.

2012-نجی ییلدا پوتین تاراپیندان روسیانینگ قوُرانماق وزیری حؤکمۆنده سایلانان شویگو 2015-نجی ییلدا ترور قوراماسی داعش بیلن گؤره‌ش آدی بیلن روسیانینگ گۆیچلرینی سوریأ ایبردی و سوریه دأکی حاربی حرکته یوُلباشچیلیق اتدی.

سرگی شویگو 2022-نجی ییلدا باشلانان روس- اوکراینا ساواشی نینگ دا باشیندادی.

روسیانینگ قوُرانماق وزیری، واگنر توُپاری نینگ اوُزالقی باش توتانی یوگنی پریگوژین تاراپیندان تانقیت ادیلیأردی.