هلند اندونزیانینگ ۱۹۴۵-نجی ییلیندا قاراشسیز بوُلاندیغینی قابول اتدی
هلندینگ مجلیسی اندونزیا بارادا ماصلاحات گچیردی
هلند اندونزیانینگ ۱۹۴۹-نجی ییلدا دأل، ۱۹۴۵-نجی ییلدا قاراشسیز بوُلاندیغینی رسمی یاغدایدا قابول اتدی.
هلندینگ مجلیسی اندونزیا بارادا ماصلاحات گچیردی.
هلندینگ باش وزیری مارک روته هلندینگ اندونزیانینگ ۱۹۴۵-نجی ییلدا "دوُلولیغینا و شرطسیز" یاغدایدا قاراشسیزلیغینا قوُوشاندیغینی قابول ادندیکلرینی آیتدی.
روته مونونگ تاریحی بیر گرچک (حاقیقات) بوُلاندیغینی سؤزلرینه قوُشدی.
هلندینگ پاتشاسی ویلیم آلکساندر 2020-نجی ییلدا، هلندینگ قاراشسیزلیق دؤورۆنده اندونزیادا ادن ایشلری سبأپلی اندونزیانینگ حؤکۆمتیندن اؤتۆنچ سوُراپدی.
دۆنیأنینگ اینگ اولی مسلمان یورتلاریندان بیری بوُلان اندونزیا ایلکی بیلن 1511-نجی ییلدا پرتغال تاراپیندان باسیلیپ آلینیپدی.
بو اۆلکه سوُنگرا بوُلسا اسپانیا، هلند و انگلستان ینگ تاراپیندان اشغال ادیلیپدی.
1945-نجی ییلدا اندونزیانینگ یوُلباشچیلریندان سوکارنو و اوُرونباساری رادیودان اندونزیانینگ قاراشسیزلیغینی ایغلان ادیپدی.
هلند سوکارنونینگ قاراشسیزلیق ایغلانینی قابول اتمأنی اشغالینا دوُوام اتمه ک اۆچین جاوه و سوماترا آدالارینا قشون ایبریپدی.
بو قشون اندونزیالی یاشاییجیلاردان کؤپ سانلی آدامی اؤلدۆریپدی.
بو ساواشلاردان سوُنگرا هلند بیلن اندونزیا پاراحاتچیلیق بیلن باغلانشیقلی دوشوشیقلارا باشلاپدی و 1949-نجی ییلینگ 27-نجی دکابریندا هلند اندونزیانینگ قاراشسیزلیغینی قابول ادیپدی.
دِگیشلی حابارلار
هیندیستان بیلن بنگلادش ده سیل سبأپلی 70 آدام اؤلدی
هیندیستان بیلن بنگلادش ده تۆوهلهی سبأپلی سیل گلدی و یر سۆیشدی
گوترش: بو قوُرقونچ یاغدای دورمالیدیر
ایسرائیل حالقارا عادالات دیوانی نینگ قارارینا قارامازدان غزه ده هۆجۆملرینه دوُوام ادیأر