سرگی شویگو: اوکراینانینگ قشونی نوُیابردا ۸ مۆنگ ۳۰۰ ییتگی بردی

روسیانینگ قوُرانماق وزیری سرگی شوُیگو اوکراینانینگ قشونی نینگ نوُیابر آییندا 8 مۆنگ 300-دن کؤپ عسگر ییتگیسینی برندیگینی اؤنگه سۆردی.

شویگو روسیا- اوکراینا ساواشی بیلن باغلانشیقلی ماغلومات بردی.

اوکراینانینگ دوُنباس بؤلگه سینده چاقنیشیقلارینگ دوُوام ادیأندیگینی نیغتان شویگو مایورسک، پاولیوکا، اوپیتنه، آندریوکا، بیلوگوریوکا و کوردیومیوکا دییلن یاشاییش یرلری نینگ روس گۆیچلری نینگ الینه گچندیگینی آیتدی.

اوکراینانینگ قشونی نینگ لوهانسک و دونتسک تاراپلاریندا اولی ییتگیلر برندیگینی آیدان شویگو،

"دوشمان نویابر آییندا 8 مۆنگ 300-دن کؤپ عسگر، 5 اوچار، 10 دیک اوچار، 149 تانک و 300-دن کؤپ سوُوتلی اولاغینی ییتیردی" دیدی.

شویگو روسیانینگ یاراغلی گۆیچلری نینگ اوکراینانینگ عسگری دوُلانشیق سیستمی بیلن حاربی صناغات مرکزلرینه اوزاق منزیللی یوُقاری درجه لی یاراغلار بیلن گینگ گریملی هۆجۆملر قوراندیغینا دا اۆنس چکدی.

اوکرایناداقی زاپوریژیا اتمی مرکزی نینگ روس گۆیچلری نینگ کنترلی نینگ آستیندا بوُلاندیغینی یاتلادان سرگی شویگو، بو مرکزینگ حوُوپسوزلیغینی اۆپجۆن اتمه ک اۆچین گره‌کلی بوُلان چأره لرینگ گؤرۆلندیگینی آیتدی.

شویگو اوکراینا قشونی نینگ بو یره هۆجۆم قوراندیغینی آیتدی و مونونگ "اتمی ترورچیلیق" بوُلاندیغینی اؤنگه سۆردی.

روس اوچارلاری نینگ اوکرایناداقی ساواشدا اولی مؤچبرده اولانیلیاندیغینی آیدان روسیانینگ قوُرانماق وزیری، روسیانینگ قشونی نینگ مدرن هوُواچیلیق انجاملاری بیلن اۆپجۆن ادیلمأگه دوُوام ادیأندیگینی سؤزلرینه قوُشدی.