آمریکانینگ کنگره وکیللری روسیادا

روسیانینگ دؤولت یۇلباشچیسی ولادیمیر پوتین بیلن آمریکان یۇلباشچی دونالد ترامپ ینگ ۱۶-نجی ایول دا فنلانددا دوشوشماغیندان اۇزال آمریکانینگ کنگره مجلیسیندن بیر تۇپار وکیل ایلکینجی گِزِک روسیا رسمی ساپار قورادی.

کنگره نینگ آغضالاری روسیانینگ داشاری ایشلر وزیری سرگی لاوروف بیلن دوشوشدی.

لاوروف بو دوشوشیقدان اۇزال برن بیاناتیندا، کنگره وکیللری نینگ روسیا ساپاریندا پارلمان آرا قاتناشیلارینگ تأزه دن دیکه دیلمه گینی اومیت ادندیگینی آیتدی.

لاوروف، کنگره آغضالاری نینگ ایکی یوردونگ یۇلباشچیلاری نینگ هلسینکی ده دوشوشیغیندان اۇزال روسیا گلمه گینی واغتیندا بیر دوشوشیق دییپ حأصیه‌تلندیردی.

تۇپارینگ باشلیغی و آلاباما ایالتی نینگ سناتوری ریچارد شلبی ده پوتین- ترامپ دوشوشیغی نینگ بۇساغاسیندا روسیا ساپار قوراندیغینی یاتلادیپ، دۇغری واغتدا روسیا ساپار قوراندیقلارینی بیلدیردی.

شلبی "قاتناشیقلاریمیزینگ قینچیلیقلی یاغدایدا بۇلاندیغینی بیلیپ گلدیک اِما قاتناشیقلاریمیزی یۇقارلاتماق ایکی تاراپ اۆچین ده قۇوی بۇلار" دیدی.