Erdogan Silwa bilen telefon arkaly söhbetdeş boldy

Türkiyäniň prezidenti Rejep Taýýip Erdogan Braziliýanyň prezidenti Luis Inasio Lula da Silwa bilen telefon arkaly söhbetdeş boldy.

Telefon söhbetdeşliginde Türkiye bilen Braziliýanyň arasyndaky ikitaraplaýyn gatnaşyklar bilen sebitleýin we global meseleler ara alynyp maslahatlaşyldy. 

Prezident Erdogan Braziliýanyň Ysraýylyň Palestina topraklarynda amala aşyrýan wagşylygyna garşy çemeleşmesiniň haýran galdyryjydygyny, hemişelik ýaraşygyň ýola goýulmagy bilen sebitleýin ynsanperwer kömekleriň ýetirilmegi babatynda tagallalaryň artdyrylmagynyň zerurdygyny beýan etdi. 

Hamasyň ot açmazlyk ylalaşygyny kabul etmegine garamazdan Ysraýylyň hüjümlerini we gyrgynçylyklaryny artdyryp, dowam etdirýändigini aýdan Prezident Erdogan, bu nokatda Palestina döwletiniň ykrar edilmegi bilen bagly başlangyçlaryň goldanmagynyň möhümdigini habar berdi. 

Prezident Erdogan Türkiyäniň Ukraina-Russiýa arasynda dowam edýän uruşa ýakyndan gözegçilik edýändigini, taraplara gepleşiklere gaýdyp gelip hak we hukuk esasynda adalatly bir parahatçylygyň ýola goýulmagyny teklip edýändigini beýan etdi. 

Prezident Erdogan Braziliýanyň prezidenti Luis Inasio Lula da Silwa Braziliýadaky aşa ýagan ýagyşlar sebäpli emele gelen sil apatlarynda we ýer süýşgünlerinde başdan geçirilen adam ýitgileri sebäpli gynanjyny we duýgudaşlyk ýüzlenmelerini berdi we Türkiyäniň Braziliýanyň halkynyň ýanyndadygyny habar berdi.