Terrorizme Garşy Göreş Egilşiksiz Dowam Edýär

Degişli döwürde ekstremist terror guramasy PKK garşy 19,756 operasiýa geçirilip, 84 sanysy öli, jemi 721 terrorçy täsirsiz ýagdaýa getirildi.

Içeri işler ministri Ýerlikaýa ministrligiň býujeti boýunça eden çykyşynda, ekstremist terror guramasy PKK garşy geçirilen operasiýalar bilen terrora agyr zarba urlandygyny aýtdy.

Ýerlikaýa 1-nji ýanwar bilen 1-nji noýabryň aralygynda geçirilen operasiýalardan 84 sanysy öli, 525 sanysy sag, 5 sanysy ýaraly we 107 sanysy boýun egen, jemi 721 terrorçynyň täsirsiz ýagdaýa getirilendigini, 6,011 şübheliniň saklanandygyny we şolardan 1178 sanysynyň tussag edilendigini, 1297 sanysynyň jenaýat işine çekilendigini aýtdy.

Ýerlikaýa; “Soňky 10 aýda 104 sanysy bombaly aksiýanyň, jemi 126 aksiýanyň howpsuzlyk güýçlerimiziň pidakärligi bilen öňi alyndy. DEAŞ-e garşo 1149 operasiýa geçirildi. Şol operasiýalarda 227 terrorçy täsirsiz ýagdaýa getirildi. 2,057 şübheli saklandy, 524 sanysy tussag edildi, 507 sanysy jenaýat işine çekildi” diýdi.

Ministr Ýerlikaýa 1-nji ýanwar bilen 1-nji noýabryň aralygynda geçirilen 370 operasiýada 1 halkara, 13 ýerli, 33 sebitleýin, 253 kiçi guramaçylykly jenaýat toparynyň dargadylandygyny, 1800 adamyň tussag edilendigini beýan etdi.