Prezident Erdogan Egindeşleri Bilen Birlikde Atatürkiň Aramgähine Bardy
Türkiýe Respublikasynyň Prezidenti hökmünde ministrler kabinetimiz bilen birlikde Türkiýänin 85 millionlyk ilaty üçin hyzmat ederis"
Prezident R. T. Erdogan, Ministrler kabinetiniň täze düzümi bilen Türkiýe Respublikasynyň esaslandyryjy Prezidenti Atatürkiň gubyrynyň ýerleşýän ýeri bolan aramgähe bardy.
Ýolbarsly ýoldan ýöräp Atatürkiň aramgähine baran Erdoganyň, aý-ýyldyzly gül desselerini goýmagyndan soň hormatly dymyşlyk edildi we döwlet senasy ýerine ýetirildi.
Prezident Erdogan aramgähiň ýatlama depderine “Eziz Atatürk, Prezident dolanşygy hökümet ulgamynyň 2-nji döwründe ministrler kabinetiniň täze agzalary bilen huzuryňyza geldik. Şu gün ministrler kabinetiniň ilkinji maslahatyny geçirip, Türkiýe asyrynyň gurulmagy üçin aýgytly ädimler bilen işe girişeris. Türkiýe Respublikasynyň Prezidenti hökmünde ministrler kabinetimiz bilen birlikde Türkiýänin 85 millionlyk ilaty üçin hyzmat ederis. Bize amanadyňyz bolan respublikamyzyň 100-nji ýylyny uly buýsanç bilen belläp geçeris we uly öňe gidişlik ederis. Beýik biribar bizi milletimiziň öňünde utandyrmasyn, ýatan ýeriniz ýagty bolsun”diýip ýazdy.
Degişli Habarlar
Terrora garşy göreş tutanýerli ýagdaýda dowam etdirilýär
Yragyň we Siriýanyň demirgazygynda 16 terrorçy täsirsiz ýagdaýa getirildi