Diýarbakyr welaýatynda "Eren Gyş-27" operasiýasy başladyldy

Türkiýäniň Içeri işler ministrliginden berilen beýanata görä, PKK terror guramasyny ýurdyň güntertibinden çykarmak we sebitde bardygy anyklanan terrorçylary täsirsiz ýagdaýa getirmek maksady bilen Diýarbakyr welaýatynda "Eren Gyş-27 Şehit žandarma starşina seržant Erdal Şen" atly operasiýa başladyldy. 

Operasiýa Diýarbakyr welaýat Žandarma serkerdeligi tarapyndan Žandarmanyň komandos toparlaryndan, Polisiýanyň ýöriteleşdirilen toparlaryndan we Howpsuzlyk goragçylaryndan ybarat jemi 1070 howpsuzlyk  gullukçysynyň, 69 operatiw işgäriň gatnaşmagynda geçirilýär. 

Ýurdyň içinde terrory dolulygyna ortadan aýyrmak maksady bilen geçirilýän Eren Gyş operasiýalarynyň raýatlaryň goldawy bilen erjellik we tutanýerlilik bilen üstünlikli ýagdaýda dowam etdirilýändigi mälim edildi.