Samsun Gaz (Tiridi) nahary

Türkiyäniň esaslandyrylmagy döwründe taryhy ähmiýete eýe bolan Gara deňziň kenaryndaky Samsun şäheri ýerli tagama ýer eýeçiligini edýär. Samsunyň Iç sebitiniň häkimlikler bileleşiginiň ýüz tutmagy netijesinde 2011-nji ýylda Türkiyäniň Geografiki taýdan hasaba alynan önümleriň arasyna goşulan Samsun Gaz nahary gazyň etinden, bulgur palowyndan we ýufka çöreginden taýarlanýan tagamdyr. Taýarlanylşy takmynan 4 sagat dowam eden Samsun Gaz nahary gyş möwsüminde geçirilýän toý-dabaralaryň we üýşmeleňleriň ýüz öwrülmesiz tagamydyr. Naharda ýörite ýetişdirilen we iç tarapy arassalanan takmynan 2 kg ululygyndaky gazyň eti, 1 kg bulgur palowy we 30 sany ýufka çörek ulanylýar. Gazyň arassalanmagy, duzlanmagy, bişirilmegi we hödür-kerem edilmegi üçin ýörite usullaryň ulanylýan nahary taýarlamak ýörite ussatlygy talap edýär. Arassalanan we duzlanan tutuş gaz, bişirilmegi üçin öýlerde bar bolan we odun ulanylyp ýakylýan ojaklarynyň üstündäki çeňňeklere boýnundan asylýar. Gazyň her tarapdan gowy bişirilmegini üpjün etmek üçin wagtal-wagtal öwrülmeli. Akýan ýagyny ýygnamak üçin asylan gazyň aşagyna bir tabak ýa-da tarelka goýulýar. Gor ýagdaýyna gelen oduň täsiri bilen gaz gowy bişýär we derisi kitirdewük ýaly bolýar. Etiň gatylaşmagynyň öňüni almak üçin aşakdaky tabaga akýan "Tirid" diýip atlandyrylýan ýag käwagt çemçe bilen etiň üstüne dökülýär. Beýleki tarapdan, başga bir ojakda taýýarlanan bulgur palawyna gazyň ýagy goşulýar. Bişen ýumşak gazyň eti böleklere bölünip, süňklerinedn aýrylýar we palow mejmäniň üstüne goýulýar. Soňky tapgyrda bolsa gaz etiniň ýagyna batyrylan ýufka çörekleriň ýoldaşlyk etmeginde gazyň eti we bulgur palow hödür-kerem edilýär.