1,7 Million Palestinaly Açlyk Howpuna Sezewar
Ysraýylyň hüjümleri we sebite ynsanperwer kömeginiň berilmegini bökdemegi sebäpli 1,7 million palestinala açlyk howpy abanýar
Ysraýylyň harby goşunynyň Gazanyň günortasynda ýerleşýan Rafah şäherine guraýan gury ýer hüjümleri we sebite ynsanperwer kömeginiň berilmegini bökdemegi sebäpli 1,7 million palestinala açlyk howpunyň abanýandygy nygtaldy.
Gazadaky hökümetiň beren ýazmaça beýannamasynda, Rafahyň gündogaryna guralýan hüjümler sebäpli uly adamzat pajygasynyň başdan geçirilmäge başlanandygy barada duýduryş berildi.
Beýannamada şol pajyganyň başdan geçirilmeginde Rafah we Kerm Abu Salim gümrük geçelgeleriniň basyp alynmagynyň, ynsanperwer we lukmançylyk enjamlary kömeginiň berilmeginiň bökdelmeginin we müňlerçe hassanyň Gazadan çykarylmagyna rugsat berilmezliginiň uly rol oýnaýandygy bellenildi.
Ysraýylyň soňky 2 günde azyk we lukmançylyk enjamlaryny getiren 400 konteýneriň sebite girmegini bökdändigi ýatladyldy.
Beýannamada, Gazanyň halkynyň söweş sebäpli diňe ynsanperwer kömekler bilen gün güzeranyny dolandyrýandygyna üns çekildi.
Beýannamada, sebite ynsanperwer we lukmançylyk enjamlary kömeginiň berilmeginiň bökdelmegi sebäpli günortadaky şäherlerde ýaşaýan 1,7 million palestinala açlyk howpunyň abanýandygy bellenildi.
Degişli Habarlar
Ysraýyl 3 Tapgyrly Täze Teklip Hödürledi
Baýden, Ysraýylyň 3 tapgyrly täze teklip hödürländigini aýtdy.