Putin global derejede uruş islemeýändiklerini, ýöne uruşa taýýardyklaryny aýtdy

Russiýanyň prezidenti Wladimir Putin II Jahan urşunyň ahyrynda (1939-1945), Nasist Germaniýanyň şertsiz ýagdaýda gol çeken Ýeňiş gününiň 79-njy ýylynda, ýurduň paýtagty Moskwa şäherindäki Gyzyl Meýdançada çykyş etdi. 

SSSR tarapyndan Ýeňiş güni diýip yglan edilen 9-njy maý mynasybetli çykyş eden Wladimir Putin: "Biz kakalarymyzy, atalarymyzy we babalarymyzy hormatlaýarys. Olar öz topraklaryny gorap, faşizmi basyp ýatyrdylar" diýip aýtdy.

Günbataryň II Jahan urşundaky hakykatlary ýoýmaga synanyşýandygyny aýdan Wladimir Putin: "Günbatar Nasizme garşy hakyky söweşijileriň heýkellerini ýumurýar, dönükleri we Nasistleriň jenaýat şäriklerini postamente ýerleşdirýärler" diýip belledi. 

Harby geçiş dabarasynda global derejede uruş islemeýändiklerini, ýöne uruşa taýýardyklaryny aýdan Putin, emma hiç kimiň özlerine hemle atmagyna rugsat bermejekdiklerini, strategik ýagdaýda islendik pursatda uruşa taýardyklaryny beýan etdi. 

Günbatar döwletlerine ýüzlenen rus lider: "Global derejede uruş islemeýäris, ýöne uruşa taýýardyrys" diýip aýtdy.