Ysraýylda 7-nji Oktýabrdan Bäri 11 Müň Çaga Bilen 7 Müň 500 Zenan Ýogaldy
“7-nji oktýabrdan bäri Gazada her sagatda 2 zenan öldürilýär”
Ysraýylyň Gaza Sektorynda 7-nji oktýabrdan bäri guraýan hüjümlerinde 11 müň çaga bilen 7500 zenanyň ýogalandygy habar berildi.
Gazadaky hökümet tarapyndan berlen beýannamada, Ysraýylyň 108 günden bäri Gaza guraýan hüjümlerinde ýogalan 25 müň 925 adamyň 11 müňiniň çaga, 7 müň 500-niň hem zenandygy nygtaldy.
Gazada häzire çenli 70-i zenan we çaga bolmak bilen 7 müň adamyň harabalygyň aşagynda galandygy, 63 müň adamyň hem ýaralanandygy bellenildi.
BMG-nyň Baş sekretarynyň Ynsanperwer işlerinden jogapkär orunbasary Martin Griffits bolsa sosial mediadan beren habarnamasynda “7-nji oktýabrdan bäri Gazada her sagatda 2 zenan öldürilýär” diýdi.
Degişli Habarlar
Owganystanda gaýygyň batmagy netijesinde 20 adam ýogaldy
Owganystanyň Nangarhar welaýatyndaky derýada gaýyklaryň biriniň batmagy netijesinde 20 adam ýogaldy
