Eýranyň Wise-prezidenti Hazar Ykdysady forumda çykyş etdi
Eýranyň Wise-prezidenti Ishak Jihangiri Ormuz bogazynyň howpsyzlygynyň Tähran üçin soňky çyzykdygyny belledi
Eýranyň Döwlet mediasyna görä Jihangiri, Türkmenistanyň Türkmenbaşy şäherinde geçirilýän I Hazar Ykdysady forumda eden çykyşynda, gün tertibiniň ileri tutulýan ugurlary barada beýanat berdi.
ABŞ-nyň Pars aýlagyndaky barlygynyň öjükdirijidigini aýdan Jihangiri, resmi Waşingtony sebitde durnuksyzlygy we howply ýagdaýy ýaýbaňladyrmak bilen günäkärledi.
Jihangiri: “Halkara suw giňişligiň, demirgazyk-günorta kenarlaryň we Ormuz bogazynyň howpsyzlygy Eýranyň soňky çyzygydyr. Pars aýlagyndaky daşary ýurtly harby güýçler, durnuksyzlygy we dartgynlygy artdyryjy faktordyr” diýip belledi.
ABŞ-nyň embargolara we howplara ýüz tutýan birtaraplaýyn syýasatynyň sebitiň durnuklylygyna we howpsyzlygyna wehim salýandygyny aýdan Jihangiri, bu ýagdaýyň halkara arenada uly meselä öwrülendigine ünsleri çekdi.
Ishak Jihagiri: “Sebitiň howpsyzlygy diňe sebitiň ýurtlary tarapyndan üpjün edilip biliner” diýip nygtady.
Degişli Habarlar
Germaniýanyň Federal Kansleri, Ysraýylyň Premýer-ministri Bilen Telefon Arkaly Söhbetdeşlik Geçirdi
Şols, ABŞ-nyň Prezidenti Jo Baýdeniň 3 tapgyrly tekline kanagatlanma bildirýändiklerini nygtady.
