"فنرباخچا" 10 نفرله "قالاتاسارای"ا غالیب گلدی
بو گون تورکیه سوپرلیگینده ایستانبول دربیسی کئچیریلیب.
بو گون تورکیه سوپرلیگینده ایستانبول دربیسی کئچیریلیب.
37-جی توردا "قالاتاسارای" ائوده "فنرباخچا"نی قبول ائدیب. "رامس قلوبال ایستادیونو"ندا اوینانیلان گؤروش "فنرباخچا"نین 1:0 حسابلی غلبهسی ایله باشا چاتیب.
اسماعیل کارتالین تیمی 21-جی دقیقهدن آزلیقدا قالسا دا، سفر ماتچینی غلبه ایله باشا ووروب. اویوندا یگانه گولو 71-جی دقیقهده چاغلار سؤیونجو ووروب.
"قالاتاسارای" - "فنرباخچا" - 1:0
قول: سؤیونجو، 71
قیرمیزی ورقه: آلکساندر دژیکو، 21 ("فنرباخچا")
داور : آردا کاردشلر
"رامس قلوبال ایستادیونو"
بوگونکو اویون شامپیونلوغ باخیمیندان دا اهمیت داشیییردی. "قالاتاسارای" بو گؤروشده اودوزماسا، شامپیونلوغو رسمیلشدیرهجکدی. آنجاق "فنرباخچا" غلبه قازانماقلا شامپیوناتدا وضعیتی سون تورا قدر ساخلاییب. بونونلا بئله، نؤوبتی توردا دا "فنرباخچا"نین شامپیون اولماسی اؤز الینده دئییل. حاضیردا "قالاتاسارای" 99 خاللا لیدر، "فنرباخچا" ایسه 96 خاللا 2-جیدیر.
مؤوسومون سون توروندا "فنرباخچا" "ایستانبول سپور"و قبول ائدهجک. "قالاتاسارای" ایسه "کونیاسپور"ون قوناغی اولاجاق. هر ایکی گؤروش میین 26-دا کئچیریلهجک. "قالاتاسارای"ا شامپیونلوق اوچون 1 خال کیفایتدیرسه، "فنرباخچا" غالیب گلمهلی و "قالاتاسارای"ین اودوزماسینی گؤزلمهلیدیر.
ایلگیلیلی خبرلر
تۆرک قیزلاری یئنه قازاندی
تۆرک میللی قادین والیبال تیمی، میللتلر لیگیندهکی ۶.جی اویونوندا صربیستان ایله قارشیلاشدی
کنفرانس لیگینین غالیبی معینلشدی
فینال ماتچیندا یونانیستان "المپیاکوس"و ایتالیا "فیورنتینا"سی ایله قارشیلاشیب.