والیبالین سلطانلاری دؤرددهبیر فینالدا
سون ۱۶ توروندا بلژیک ایله قارشیلاشان تورکیه، رقیبینی ۳-۱ مغلوب ائدهرک دؤرددهبیر فینالا یوکسلدی
تورک میللی قادین والیبال تیمی، آوروپا شامپیوناسیندا یولونا دولو دوزومون داوام ائدیر.
سون ۱۶ توروندا بلژیک ایله قارشیلاشان تورکیه، رقیبینی ۳-۱ مغلوب ائدهرک دؤرددهبیر فینالا یوکسلدی.
تورکیه، موباریزهنین ایلک ستینه اولدوقجا یاخشی باشلادی.
هم ساوونما هم ده هوجومدا تأثیرلی اولان 'والیبالین سلطانلاری'، ملیسا وارگاس اؤندرلیگینده فرقی ۶ سایییا قدر چیخاردی.
بو آندان اعتباراً رقیبینه گئری قاییتما فورصتی وئرمهیهن آی-اولدوزلولار، ۲۵-۲۲ ایله ۱-۰ اؤنه گئچدی.
قارشیلاشمانین ایکینجی ستینده بلژیک اوستونلوگو واردی و ستی ۲۵-۱۶ ایله ائو صاحبی اؤلکهیه قازاندی.
تورکیه، اوچونجو ستده تکرار اویونون حاکمی اولدو.
بلژیکه نیسبتله داها آز خطا ائدن تورک قیزلاری، ۲۵ - ۱۵ ایله ۲-۱ اؤنه گئچدی.
یاریشمانین ۴.جو ستی قارشیلیقلی ساییلارلا باشلادی.
اوزون مدت برابرلیک پوزولمازکهن، تابلو ۷-۷یه گلدی.
بو آندان اعتباراً بلوکلارلا تأثیرلی اولان بلژیک فرقی ۳ سایییا چیخارسا دا تورکیه گئری قاییتدی.
ائتدیگی ساوونما ایله اؤنه چیخان 'والیبالین سلطانلاری'، ستی ۳۲-۳۰ اویونو دا ۳-۱ قازانماغی باجاردی.
تورنمنتده ۶ اویونون ۶سینی دا قازانماغی باجاران تورک میللی قادین ولیبال تیمیمیز، دؤرددهبیر فینالدا لهستان ایله قارشیلاشاجاق.
ایلگیلیلی خبرلر
تۆرک قیزلاری یئنه قازاندی
تۆرک میللی قادین والیبال تیمی، میللتلر لیگیندهکی ۶.جی اویونوندا صربیستان ایله قارشیلاشدی
کنفرانس لیگینین غالیبی معینلشدی
فینال ماتچیندا یونانیستان "المپیاکوس"و ایتالیا "فیورنتینا"سی ایله قارشیلاشیب.