مسعود اؤزایل فوتبالی بوراخدی
"بو فورصت اوچون اینانیلماز درجهده مینتدارام. آنجاق سون هفتهلرده و آیلاردا بعضی مصدومیتلر یاشایینجا، فوتبالین بؤیوک صحنهسیندن آیریلما زامانیمین گلدیگی داها دا دقیقلشدی"
فوتبال حیاتینی مئدیپول باشاکشهیرده داوام ائتدیرهن مسعود اؤزایل، سوسیال مئدیا حسابیندان ائتدیگی پایلاشیملا فوتبالی بوراخدیغینی آچیقلادی.
۳۴ یاشینداکی اؤزایل، درینینه دوشوندوکدن سونرا حرفهای فوتبال حیاتینی نقطهلهمه قراری آلدیغینی بیلدیردی.
تخمیناً ۱۷ ایلدیر حرفهای فوتبالچی اولما امتیازی یاشادیغینی ایفاده ائدن اؤزایل، "بو فورصت اوچون اینانیلماز درجهده مینتدارام. آنجاق سون هفتهلرده و آیلاردا بعضی مصدومیتلر یاشایینجا، فوتبالین بؤیوک صحنهسیندن آیریلما زامانیمین گلدیگی داها دا دقیقلشدی" ایفادهلرینی ایشلتدی.
فوتبال حیاتینین اونودولماز آنلار و دویغولارلا دولو مؤحتشم بیر سفر اولدوغونو بیلدیرن اؤزایل، کؤینهگینی گئیدیگی شالکه ۰۴، وردر برمن، رئال مادرید، آرسنال، فنرباخچا و مئدیپول باشاکشهیردهکی بوتون تیم یولداشلارینا تشکر ائتدی.
۱۵۹ دفعه کؤینهگینی گئیدیگی رئال مادرید ایله لیگ و کرال کاپی شامپیونلوغو یاشایان مسعود اؤزایل، ۲۵۴ دفعه کؤینهگینی گئیدیگی آرسنال ایله ده ۴ دفعه فدراسیون کاپی قازاندی.
آلمانیا میللی تیمی ایله ۹۲ دفعه میدانا چیخان و ۲۳ گول ووران اؤزایل، برزیلین ائو صاحبلیگی ائتدیی ۲۰۱۴ دونیا کاپیندا شامپیونلوغا چاتمیشدی.
ایلگیلیلی خبرلر
یورو-2024-ون فینالینا چیخان بوتون اؤلکهلر معلوم اولدو - قروپلار
2024-جو ایلین آوروپا شامپیوناتیندا ایشتیراک حقوقو قازانان بوتون اؤلکهلرین آدلاری معلوم اولوب.