اردوغان: نتانیاهو حساب وئرجک
"سانمایین کی ایسرائیل غزه‌ده دوراجاق. بو آزغین دؤولت، بو ترور دؤولتی، داوردورولمازسا وعد ائدیلمیش تورپاقلار ساییقلاماسییلا گؤزونو تئز یا دا گئج آنادولویا تیکه‌جک"
جمهورباشقانی رجب طیب اردوغان، ایسرائیل باشباخانی بنیامین نتانیاهو و غزه‌ده سوی‌قیریما اورتاق اولانلارین، تؤکدوکلری هر دامچی قانین حسابینی وئرجگینی سؤیله‌دی.
جمهورباشقانی اردوغان، باشقانی اولدوغو عدالت و قالخینما پارتیسینین (آک پارتی) تورکیه بؤیوک میللت مجلیسینده‌کی قروپ توپلانتیسیندا دانیشدی.
ایسرائیلین غزه‌ده ۷ آیدیر سۆره‌ن سوی‌قیریمینا بیر دفعه داها تپکی وئره‌ن جمهورباشقانی اردوغان،
"نتانیاهو و سوی‌قیریما اورتاق اولانلار، تؤکدوکلری هر دامچی قانین حسابینی وئره‌جک. بیز ده سوی‌قیریمچیلارین حقوقا حساب وئرمه‌سی اوچون آرخاسیندا اولاجاغیق. سانمایین کی ایسرائیل غزه‌ده دوراجاق. بو آزغین دؤولت، بو ترور دؤولتی، داوردورولمازسا وعد ائدیلمیش تورپاقلار ساییقلاماسییلا گؤزونو تئز یا دا گئج آنادولویا تیکه‌جک" دئدی.
اردوغان، هم اؤز تورپاقلارینین ایستیقلالی اوچون ساواشان هم ده آنادولونو ساوونان فیلیسطین مقاومت حرکتی حماسین یانیندا دورماغا داوام ائد‌جکلرینی سؤیله‌دی.
ایسرائیل طرفینین قارا تبلیغاتینا دا تپکی وئره‌ن اردوغان،
"صهیونیست قاتیللرین و ماشالارینین بیزی هدفه قویماسی، قورخولاجاق، چکینیله‌جک بیر شئی دئییل، سینه‌میزده غرورلا داشییاجاغیمیز بیر شرف مدالیدیر" دئدی.
