باتی بالکانلاردا ان بگهنیلن لیدئر اردوغان اولدو
اولوسلارآراسی جمهوریتچیلر انستیتوسو طرفیندن آلبانی، بوسنی و هرزگووین، قاراداغ، قوزئی مقدونیه، صربیستان و کوزووادا "باتی بالکانلار بؤلگه سورغوسو" تشکیل ائدیلدی
جمهورباشقانی رجب طیب اردوغانین، باتی بالکان خالقلاری طرفیندن ان بگهنیلهن لیدئر اولدوغو معین اولوندو.
اولوسلارآراسی جمهوریتچیلر انستیتوسو طرفیندن آلبانی، بوسنی و هرزگووین، قاراداغ، قوزئی مقدونیه، صربیستان و کوزووادا "باتی بالکانلار بؤلگه سورغوسو" تشکیل ائدیلدی.
سورغودا، سؤزو گئدن اؤلکه وطنداشلارینا، بیر چوخ مؤوضوعداکی فیکیرلرینین یانیندا "دونیا و بؤلگه لیدئرلریندن هانسی حاقیندا مثبت گؤروشلرین وار؟" کیمی دگرلهندیرمهلری سوروشودو.
آلبانییده آنکئته قاتیلانلارین یوزده ۷۱ی، جمهورباشقانی اردوغان حاقیندا مثبت گؤروشلره صاحب اولدوقلارینی بیلدیررکهن، آمریکا بیرلشمیش دؤولتلری باشقانی جو بایدن یوزده ۶۴ ایله ایکینجی، چین دؤولت باشقانی شی جینپینگ ایسه یوزده ۱۴ ایله اوچونجو سیرادا یئر آلدی.
بوسنی و هرزگوینده عینی سوالا جاواب وئرهنلرین یوزده ۶۱ی اردوغان حاقیندا مثبت دوشونرکهن روسیا دؤولت باشقانی ولادیمیر پوتین، آمریکا باشقانی بایدن و چین دؤولت باشقانی شی، یوزده ۳۷لرده قالدی.
قاراداغدا دا اردوغان یوزده ۵۶لیق اورانلا ایلک سیرادا یئر آلارکهن، پوتین یوزده ۵۰ ایله ایکینجی، شی ایسه یوزده ۴۶ ایله اوچونجو سیرادا یئر آلدی.
قوزئی مقدونیهده ایسه اردوغان، ان بگهنیلهن لیدئر اولاراق یوزده ۶۶ ایله یئنه ایلک سیرادا یئر آلارکهن اونو یوزده ۴۹ ایله پوتین، یوزده ۳۷ ایله بایدن و یوزده ۳۵له شی ایزلهدی.
صربیستاندا ان بگهنیلهن لیدئرین یوزده ۸۰ ایله پوتین اولدوغو گؤرولرکهن، شینین یوزده ۷۳ ایله ایکینجی سیرادا، جمهورباشقانی اردوغانین ایسه یوزده ۴۱ ایله اوچونجو سیرادا اولدوغو گؤرولدو.
کوزسووادا ایسه بایدن یوزده ۸۵ ایله، ان بگهنیلهن لیدئرلر سیرالاماسیندا ایلک سیرادا یئر آلارکهن اردوغان یوزده ۸۲ ایله ایکینجی اولدو.
آنکئته، آلبانیدن ۱۲۱۶، بوسنی و هرزگوویندن ۱۲۲۵، قوزئی مقدونیهدن ۱۲۲۰، قاراداغدان ۱۰۳۶، صربیستاندان ۱۲۳۸ و کوزووادان ۱۲۰۳ نفر قاتیلدی.
ایلگیلیلی خبرلر
اردوغان ایستانبولون فتحی ایله باغلی مئساژی یاییملادی
جمهورباشقانی اردوغان، ۲۹ می ایستانبولون فتحینین ۵۷۱.جی ایل دؤنومو سببی ایله بیر مئساژ یاییملادی