اردوغان-میچوتاکیس گؤروشو یونان مطبوعاتیندا
یونان دؤولت کانالی «حدن آرتیق محصولدار و یاپیجی تورکیه-یونان تماسلاری» ایفادهسی ایله بلیرگینلشیب، تورکیه-یونان علاقهلرینده یئنی صفحهنین آچیلدیغینا دایر شرحلر ائدیلیب
پرزیدنت رجب طیب اردوغانین دونن پایتخات آنکارادا یونانین باش ناظیری کیریاکوس میچوتاکیسی قبول ائتمهسی یونان مطبوعاتیندا گئنیش بیر شکیلده یئر آلیب.
یونان تلویزیون کاناللاری میچوتاکیسین آنکارا سفرینی دقیقه به دقیقه ایزلَییجیلرینه چاتدیریب.
دؤولت کانالی ایآرتی ایکی لیدرین مطبوعات کونفرانسیندان سونرا اوزمان قوناغی ایله قیمتلندیرمه آپاریب.
خبر «حدن آرتیق محصولدار و یاپیجی تورکیه-یونان تماسلاری» ایفادهسی ایله بلیرگینلشیب، تورکیه-یونان علاقهلرینده یئنی صفحهنین آچیلدیغینا دایر شرحلر ائدیلیب.
ایآرتی-نین خبرینده، «هر ایکی لیدر اژه دنیزینده ساکیت اتمسفرین داوام ائتمهسینی ایستدیکلرینی گؤستردی» دئییلیب.
"تا نئا" قزئتی "اژه دنیزینده دایمی صولح راضیلاشماسی» باشلیغینی ایستیفاده ائدهرک، آنکاراداکی گؤروشدن سونرا تشکیل ائدیلن آخشام یئمَیینده مثبت اتمسفره دقت چکیب.
"تو ویما" قزئتی بعضی فیکیر آیریلیقلارینا باخمایاراق گؤروشون یاخشی اتمسفرده کئچدیگینی وورغولاییب.
کاتیمرینی قزئتی لیدرلرین ایکی اؤلکهنین امکداشلیق و تماسلاری آرتیرمالی اولدوقلارینا دایر سؤزلرینه دقت چکیب.
"پروتو تما" قزئتی ده تورکیه-یونان ایش شوراسینین یارادیلماسینی و ایکی لیدرین اؤلکهلر آراسیندا تیجارتی ایکی قات آرتیرماق مقصدینی اوخوجولارینا چاتدیریب.