اردوغان: اکینچیلیک گلیرینده آوروپادا بیرینجیییک
جمهورباشقانی اردوغان، تورکیه‌نین ۲۰۲۳.جو ایلده ۲۱۲ اؤلکه و بؤلگه‌یه ۲ مین ۲۰۰ نؤوع تاریم محصول صادر ائتدیگینی سؤیله‌دی
جمهورباشقانی رجب طیب اردوغان، تورکیه‌نین اکینچیلیک گلیرینده آوروپادا لیدئر، دونیادا ایلک ۱۰ ایچریسینده اولدوغونو سؤیله‌دی.
جمهورباشقانی اردوغان، باشکند آنکارادا تورکیه زراعت اوتاقلاری بیرلیگی مشاویره قورولو ییغینجاغینا قاتیلدی.
دموکراسیده، اقتصاد‌دا، حیوانچیلیقدا، اۆره‌تیمده اؤلکه‌نی خیال ائدیله‌بیلمه‌یه‌جک سویه‌یه گتیردیکلرینی وورغولایان اردوغان،
"اؤلکه‌میزین اکینچیلیک پتانسیلینی اؤنه چیخارماق اوچون باغیش دستگی تامین ائتدیک. اۆره‌تیمین گلیشمه‌سی اوچون اکینچیلیک دستگی وئردیک. اۆره‌تیچیلریمیزین آغیر امه‌گی سایه‌سینده تاریم اورمان بؤلوموموز سون ۲۱ ایلین ۱۶سیندا بؤیومه قید ائتدی" دئدی.
تاریم گلیری باخیمیندان آوروپادا لیدئر، دونیادا ایلک ۱۰ ایچریسینده اولدوقلارینی ایفاده ائد‌ن جمهورباشقانی،
"فیندیق، انجیر، آلبالی و اریک اۆره‌تیمینده دونیادا آچیق آرا بیرینجی سیراداییق. یاشیللیقدا دونیادا ۴.جوسو، میوه اۆره‌تیمینده ایسه ۵.جی سیراداییق. صادراتیمیزی ۳،۸ میلیارد دلاردان ۳۱ میلیارد دلارا چاتدیردیق. سون ۲۲ ایلده تارلا بیتکیلری اۆره‌تیمینی ۷۸ میلیون تونا، میوه اۆره‌تیمینی ۲۷ میلیون تونا داشیدیق" دئیه دانیشدی.
جمهورباشقانی اردوغان، تورکیه‌نین ۲۰۲۳.جو ایلده ۲۱۲ اؤلکه و بؤلگه‌یه ۲ مین ۲۰۰ نؤوع تاریم محصول صادر ائتدیگینی سؤیله‌دی.
