تورکیه نؤوبتی دفعه غزه زولاغینا اینسانی یاردیم گؤندریب
تورکیه قیزیل آی جمعیتینین غزه اوچون حاضیرلادیغی 5 مین 66 تون اینسانی یاردیمین یوکلندیگی گمی دونن مرسین اولوسلار آراسی لیمانیندان یولا دوشوب.
2135811
تورکیه قیزیل آی جمعیتینین غزه اوچون حاضیرلادیغی 5 مین 66 تون اینسانی یاردیمین یوکلندیگی گمی دونن مرسین اولوسلار آراسی لیمانیندان یولا دوشوب.
اوکتبرین 7-دن اعتباراً ایسراییلین هوجوملارینا معروض قالان غزه زولاغینداکی فیلیسطین خالقینا ارزاق، اوشاق لوازیماتلاری و گلوتن سیز محصوللاردان عبارت 5 مین 66 تون یاردیم ماتئریالینی داشییان گمی یولا دوشوب.
معلوماتا گؤره گمی تخمینن 48 ساعاتدان سونرا میصرین العریش لیمانینا چاتاجاق.
قئید ائدک کی، اینسانی یاردیم ماتئریاللاری یوک ماشینلاری ایله رفح سرحد-کئچید منطقهسینه آپاریلاجاق.
بوراداکی گؤمروک ایشلم لریندن سونرا ماتئریاللار فیلیسطین قیزیل آی جمعیتینه تحویل وئریلهجک.