فرانسادان بیر تاریخ تحریفی داها
"فرانسا میللی مجلیسینین ۲۹ آوریل ۲۰۲۴ تاریخینده قبول ائتدیگی آسوریلر و کلدانیلرله باغلی قرار، یوخ حؤکموندهدیر"
تورکیه، فرانسا اولوسال مجلیسینین آسوریلر و کلدانیلره باغلی قراریندا عثمانلی دؤنمینه دایر حقوقی و تاریخی تملدن یوخسون اتهاملار ایرلی سۆرمهسینه تپکی وئردی.
خاریجی ایشلر باخانلیغیندان وئریلهن یازیلی آچیقلامادا، "فرانسا میللی مجلیسینین ۲۹ آوریل ۲۰۲۴ تاریخینده قبول ائتدیگی آسوریلر و کلدانیلرله باغلی قرار، یوخ حؤکموندهدیر" ایفادهسی ایشلهدیلدی.
فرانسا حکومتینین، ۲۰۲۳ده، فرانسا سناسیندا قبول ائدیلهن بنزر بیر قراری دستکلهمهدیگی خاطیرلادیلان آچیقلامادا، بونلار قید ائدیلدی:
"عینی اساسسیز اتهاملارین بو دفعه اقتدار پارتیسی میللت وکیللری طرفیندن میللی مجلیس گوندمینه داشینماسی، تاریخی حادثهلرین سیاسی چیخارلار اوغرونا تحریف ائدیلمهسی چابالارینین بیر نومونهسیدیر".
آچیقلامادا، پارلمانلارین تاریخی یوروملاما و یارغیلاما صلاحیتی اولمادیغی وورغولاناراق "بو قرار، سویقیریم سوچونون آنجاق صلاحیتلی بیر محکمه طرفیندن استناد ائدیلهبیلهجگینی اؤن گؤرن ۱۹۴۸ بیرلشمیش میللتلر سویقیریم سوچونون اؤنلهنمهسی و جزالاندیریلماسی آنلاشماسینا دا ضددیر" ایفادهسینه یئر وئریلدی.
ایلگیلیلی خبرلر
رجب طیب اردوغان برونئی، سومالی و ایسپانیا سفیرلرینی قبول ائدیب
برونئی، سومالی و ایسپانیا سفیرلری اعتیمادنامهلرینی اردوغانا تقدیم ائدیبلر