ابو ردینه: تۆرک خالقی فیلیسطینلیلرین سسیدیر
"دونیا نظامی دئیه بیر شئی یوخ، آمریکا وار. آمریکادان ایسرائیله ساواشی دوردورماسینی امر ائتمهسینی ایستهییریک"
فیلیسطین دؤولت باشقانلیغی سؤزچوسو نبیل ابو ردینه،
"تۆرک خالقی، فیلیسطینلیلرین سسیدیر" دئدی.
جمهورباشقانلیغی ایلهتیشم باشقانلیغینین ائو صاحیبلیگینده تشکیل ائدیلهن ایسلام امکداشلیق تشکیلاتی انفورماسیون باخانلاری فؤوق العاده ییغینجاغینا قاتیلماق اوچون ایستانبولا گلن سؤزچو ابو ردینه، تۆرکیهنین گلهجکده ده فیلیسطینی دستکلمهیی داوام ائتدیرجگینی ایفاده ائدرک، بو دگرلندیرمهلری ائتدی:
"تۆرکیه، هر زامان فیلیسطین دعویسینی دستکلهمیشدیر. تۆرک خالقی، فیلیسطینلیلرین سسیدیر. هارا گئتسلر فیلیسطین و قدس اوچون چالیشیرلار، آرخایینام داوام ائدجکلر. ایندی اونلارا اسکیسیندن داها چوخ احتیاجیمیز وار. تۆرکیهنین سسینه احتیاجیمیز وار. اردوغانین (تۆرکیه جمهورباشقانی رجب طیب اردوغان) سسینه احتیاجیمیز وار. توپلومون سسینه احتیاجیمیز وار. تۆرکیهنین بو سالدیرقانلیغا و آمریکا بیرلشمیش دؤولتلرینه قارشی بیزیمله بیرلیکده ساغلام بیر شکیلده دورماسینا احتیاجیمیز وار.
دونیا نظامی دئیه بیر شئی یوخ، آمریکا وار. آمریکادان ایسرائیله ساواشی دوردورماسینی امر ائتمهسینی ایستهییریک. آمریکا، فیلیسطین خالقینا قارشی اونلارجا دفعه وتو حاقیندان ایستیفاده ائتدی. بیرلشمیش میللتلره عضو بیر دؤولت اولمامیزا مانع تؤردیرلر. بیزی بیر چوخ شئیدن محروم ائتدیلر. ساواشی دوردورمالیدیرلار. هئچ بیر فیلیسطینلینین تسلیم اولمایاجاغینی و تورپاقلاریمیزدا قالاجاغیمیزی آنلامالیدیرلار. ایسرائیل اودلا اویناییر، آمریکالیلار دا بو ساواشین بوتون اورتا دوغونو یاخاجاغینی آنلامالیدیر".
آمریکا دا، ایسرائیلین غزهیه قارشی سالدیریلارینی داوردورماسی اوچون چاغیریشندا اولان ابو ردینه،
"غزهده یاشانانلار حقیقتاً بیر سویقیریمدیر. آمریکالیلار طرفیندن دستکلهنیلهن ایسرائیللیلر، فیلیسطین خالقینی اؤلدورور و اونلاری اؤلکهلریبندن قووماغا چالیشیر. ایسرائیلین سیاستلری، فیلیسطین دعویسینی و خالقینی یوخ ائدیر، اونلاری اؤلکهلرینی ترک ائتمهیه مجبور ائدیر اما بو اصلا اولمایاجاق" ایفادهسینی ایشلتدی.
ایسلام امکداشلیق تشکیلاتی عضوو اؤلکهلری عینی دیلی دانیشماغا دعوت ائدن ابو ردینه،
"آمریکانین، ایسرائیله ساواشی دوردورماسینی امر ائتمهسی لازیم اولدوغونو" سؤیلهدی.
ابو ردینه، بوتون بو یاشانانلارین مسئولونون، آتیشکس طلبلرینی بیرلشمیش میللتلر گوونلیک شوراسیندا رد ائدنلر اولدوغونا ایشاره ائدرک، آمریکانین داواملی وتو حاقیندان ایستیفاده ائدرک ساواشین دورماسینا مانع تؤرتدیگینی دیله گتیردی.
آمریکالیلارا و آوروپالیلارا سسلنهن فیلیسطینلی سؤزچو،
"فیلیسطین خالقینین یئریندن ائدیلمهسی هئچ بیر پروبلئمی حل ائتمهیهجک، سونو اولمایان داواملی بیر ساواشدان باشقا بیر شئی گتیرمهیهجک" دئدی.
سالدیریلارا سون وئریلمهسی لازیم اولدوغونون وورغولایان ابو ردینه، فیلیسطین دؤولتینین بیرلشمیش میللتلره تام عضولوگونون ببیرلشمیش میللتلر گوونلیک شوراسی و بوتون دونیا طرفیندن تانینماسی لازیم اولدوغونو سؤیلهدی. ابو ردینه، "فیلیسطین قورتولوش تشکیلاتینین فیلیسطین خالقینین تک نمایندهسی" اولدوغونو بیلدیردی.
ایلگیلیلی خبرلر
جمهور باشقانی اردوغان کوزوو باش ناظیری ایله گوروشوب
جمهور باشقانی رجب طیب اردوغان پایتاخت آنکارادا تماسلارینی داوام ائتدیریر.