نومان کورتولموش: "ایفاده آزادلیغینی اساس گتیره‌رک سوسماق دوزگون دئییل"
نومان کورتولموش دوبلین-ده کئچیریلن آوروپا پارلامئنتی باشقانلاری کنفرانسی‌نین "غیری-ثابت دؤورلرده تمثیلچی دموکراسی سیناق‌لاری” آدلی ایکینجی ایجلاسیندا چیخیش ائدیب.
"حساب ائدیرم کی، دونیانین بیر چوخ یئرلرینده، خصوصاً ده آوروپا قاره سینده عیرقچی‌لیک، خاریجی دوشمنچیلیگی و دینی نیفرته اساس‌لانان حرکت‌لره قارشی ایفاده آزادلیغینی اساس گتیره‌رک سوسماق دوزگون دئییل".
بونو تورکیه بؤیوک میللت مجلیسی‌نین صدری نومان کورتولموش ایرلاندیانین پایتاختی دوبلین-ده کئچیریلن آوروپا پارلمان باشقانلاری کنفرانسی‌نین "غیری-ثابت دؤورلرده تمثیلچی دموکراسی سیناق‌لاری” آدلی ایکینجی ایجلاسیندا چیخیشی زامانی دئییب.
نومان کورتولموش خصوصیله اینفورماسیون تکنولوژلرینین ایستیفاده‌سی ایله نیفرت جینایت‌لری‌نین گئتدیکجه آدی حالا چئوریلدیگینی سؤیله‌ییب: "سهو معلومات‌لارین نظارت‌سیز شکیلده دؤوریه‌یه بوراخیلیر. بوتون دزینفورماسیونلار و چاشدیریجی معلومات‌لار جمعیتده قطب لشمه‌نی و رادیکالیزمی گوجلندیریر و دؤولت قوروم‌لارینا اینامین سارسیدیلماسی ایله نتیجه‌لنیر. رادیکال حرکات‌لارین گوجلنمه‌سی تمثیلچی دموکرسی لرین انگل‌لر اولا‌راق اؤن پلانا چیخیر. خصوصیله ده سون زامان‌لار، مسئلن، آوروپانین بعضی اؤلکه‌لرینده قرانی کریمین یاندیریلماسی آکسیا‌لاری. 2 میلیارد اینسانین دینی اینانج‌لاری‌نین آچیق شکیلده تحقیر ائدیلمه‌سی، هوجوما اساس‌لانان حرکت‌لرین اورتایا قویولماسی اصلینده تکجه مسلمان‌لارین مقدس دیرلرینه تحقیر دئییل، هم ده اینسانلیغین تحقیر ائدیلمه‌سی‌دیر. اونا گؤره ده دئییریک کی، بو حادثه‌لره سوسماق، بونا ایفاده آزادلیغی، دموکراتیک آزادلیق کیمی باخماق دوزگون دئییل. بو آکسیا‌لارین داوامی خصوصیله آوروپادا آغلاباتان و معتدل سیاستی زهرله‌یه‌جک، آغلاباتان و معتدل سیاسی دایره‌لره تضییق ائده‌جک. ایسلاموفوبیایا قارشی حرکتین و اونا قارشی تدبیرین گؤرولمه‌سی‌نین تمثیلچی دموکراسی لرین قارشی‌سینداکی مانعه‌لرین آرا‌دان قالدیریلماسیندا اهمیتلی اولدوغونو بیل‌دیریرم".
نومان کورتولموش دونن دوبلین-ده ایرلاندیا سناتی‌نین صدری جری بوتیمر و ایسراییل پارلامئنتی‌نین صدری امیر اوهانا ایله آیری-آیری‌لیقدا گؤروشوب.
دوبلین کنگره مرکزینده کئچیریلن گؤروشده روسیا-اوکراینا محاربه‌سینده تورکیه-نین رولو، تورکیه-آوروپا شوراسی علاقه‌لری و اولوسلار آراسی حادثه‌لر موذاکیره ائدیلیب.
روسیا-اوکراینا محاربه‌سینده دیپلوماتیانین اهمیتینه دقت چکن کورتولموش بو محاربه‌نین تکجه ایکی اؤلکه‌نی دئییل، بوتون دونیایا تأثیر ائتمه پتانسیلینه مالیک اولدوغونو، بو محاربنی بیر آن اول بیتیرمیین هر کسین وظیفه‌سی اولدوغونو، محاربه‌نین باشا چاتماسی‌نین آوروپانین گله‌جگی اوچون ده واجیب اولدوغونو دئییب.
آشپا صدری کوخ دا تورکیئنین روسیا-اوکراینا محاربه‌سینده اوینادیغی رولو یوکسک قیمتلندیردیک‌لرینی ایفاده ائدیب.
دیپلوماتیانین اهمیتینه توخونان کوخ تاخیل دهلیزی سازیشی‌نین بو پروسئسده ان بؤیوک اوغورلاردان بیری اولدوغونو وورغولاییب.
ایلگیلی‌لی خبرلر
جمهور باشقانی اردوغان کوزوو باش ناظیری ایله گوروشوب
جمهور باشقانی رجب طیب اردوغان پایتاخت آنکارادا تماس‌لارینی داوام ائتدیریر.
