اردوغان ظفر بایرامینی قوتلادی
"میللتیمیزین ان اؤنملی اؤزللیگی اولان آزادلیق سئوداسی، بو گون ده وارلیغینی چوخ گوجلو شکیل‌ده داوام ائتدیرمکده‌دیر"
جمهورباشقانی رجب طیب اردوغان، ۳۰ آگوست باش قووتان میدان محاربه‌سینین تورک میللتینین عصرلردیر داوام ائتدیردیگی بقا موباریزه‌سینین ان حساس دؤنوم نقطهلریندن بیری اولدوغونو بیلدیردی.
جمهورباشقانی اردوغان، ۳۰ آگوست ظفر بایرامینین ۱۰۱.جی ایل دؤنومو سببی ایله قوتلاما مئساژی یاییملادی.
۳۰ آگوست باش قوموتان میدان محاربه‌سینین، تورک میللتینین عصرلردیر داوام ائتدیردیی بقا موباریزه‌سینین ان حساس دؤنوم نقطهلریندن بیری اولدوغونو ایفاده ائد‌ن اردوغان،
"غازی مصطفی کمال آتاتورکون ایفاده‌سی ایله ۳۰ آگوست ظفری "تورک اوردوسونون، تورک سوبای و قوموتانلارینین یوکسک گوج و قهرمانلیغینی تاریخ‌ده بیر داها تعیین ائد‌ن چوخ بؤیوک بیر اثردیر" دئدی.
"تورک میللتینین اؤزگورلوک و باغیمسیزلیق دوشونجه‌سینین اؤلومسوز آبیده‌سی" اولان بو ظفرله میللتین، ایراده‌سینه بویوندوروق ووردورمایاجاغینی، ایستیقلال و گله‌جگینه کؤلگه سالمایاجاغینی بوتون دونیایا اعلان ائتدیگینی وورغولایان اردوغان،
"میللتیمیزین ان اؤنملی اؤزللیگی اولان آزادلیق سئوداسی، بو گون ده وارلیغینی چوخ گوجلو شکیل‌ده داوام ائتدیرمکده‌دیر. ۱۵ جولای (۲۰۱۶داکی فئتؤ چئوریلیش گیریشیمی) خیانتی قارشیسین‌دا سرگیلنه‌ن حماسی دیره‌نیش باشدا اولماق اوزره سون ایللرده بقامیزا یؤنه‌له‌ن سالدیریلارا میللتیمیزین وئردیگی قارشیلیق، بو ایرادنین نه قدر دیری و آیاقدا اولدوغونو دفعه‌لرله گؤسترمیشدیر" ایفاده‌لرینی ایستیفاده ائتدی.
اردوغان،
"اؤنوموزده‌کی دؤنمده آتاجاغیمیز یئنی آددیملارلا اؤلکه‌میزین گوجونه گوج قاتاجاق، تورکیه‌نی معاصر مدنیتلر سویه‌سینین اوستونه چیخارداجاغیق" دئدی.
اردوغان، مئساژیندا، جمهوریتین قوروجوسو، بؤیوک تعرضون باش قوموتانی غازی مصطفی کمالی و سلاحداشلارینی مینتله یاد ائد‌رک،
" بوتون شهیدلریمیزه غازیلریمیزه الله‌دان رحمت نیاز ائدیره‌م. ۳۰ آگوست ظفر بایرامیمیز قوتلو اولسون" ایفاده‌لرینه یئر وئردی.
ایلگیلی‌لی خبرلر
جمهور باشقانی اردوغان کوزوو باش ناظیری ایله گوروشوب
جمهور باشقانی رجب طیب اردوغان پایتاخت آنکارادا تماس‌لارینی داوام ائتدیریر.
