پاکیستان‌دان تورکیه-نین زلز‌له بؤلگه‌سینه چادیرلارین داشینماسی داوام ائدیر

فوریه‌نین 6-دا قهرمان ماراش-دا باش وئرن زلز‌له‌دن سونرا آپاریلان ایشلره دستک مقصدیله پاکیستان‌دان گؤندریلن چادیرلاری داشییان اوچاق لار آدانایا چاتیب.

پاکیستان حکومتی‌نین 50 مین چادیر داشیماق اوچون حیاتا کئچیردیگی "خصوصی اوچوش عملیاتی" چرچیوه‌سینده لاهور و ایسلام آباددان هاوایا قالخان و عمومی‌لیکده 5 مین 577 چادیر داشییان 4 اوچاق آدانا هاوا لیمانینا ائنیش ائدیب.

بو آرادا عینی عملیات چرچیوه‌سینده لاهوردان هاوایا قالخان و 1350 چادیر داشییان اوچاغین مارسین 23-ده آخشام ساعات‌لاریندا هاوا لیمانینا ائندیگی اؤیرنیلیب.

قیش شرایطینه و یانغینا داوام‌لی چادیرلار اوچاق لارین گؤتوروله‌رک زلز‌له‌دن ضرر چکمیش شهرلره گؤندریلیب.

ایکی اؤلکه آراسیندا اینسانی یاردیم ماتئریال‌لاری‌نین چاتدیریلماسی اوچون قورولان هاوا کؤرپوسو ایله پاکیستان‌دان گلن 35 اوچاق ایله تخمینن 46 مین چادیرین تورکیه-یه داشینماسی تاماملانیب.