تورکیه: فرانسا اؤز تاریخینه باخسین
خاریجی ایشلر باخانلیغی سؤزچوسو، فرانسا سناسیندا آسوریلر و کلدانیلر حاقیندا قبول ائدیلهن بیر قراردا، عثمانلی دؤنمی ایله باغلی حقوقی و تاریخی اساسی اولمایان اتهاملارا تپکی گؤستردی
تورکیه، فرانسا سناسیندا آسوریلر و کلدانیلر حاقیندا قبول ائدیلهن قرارا تپکی وئردی
خاریجی ایشلر باخانلیغی سؤزچوسو ائلچی تانژو بیلگیچ، فرانسا سناسیندا آسوریلر و کلدانیلر حاقیندا قبول ائدیلهن بیر قراردا، عثمانلی دؤنمی ایله باغلی حقوقی و تاریخی اساسی اولمایان اتهاملارا تپکی گؤستردی.
بو مؤوضوع ایله باغلی سوالی یازیلی شکیلده جاوابلاندیران بیلگیچ، تورکیهنین هئچ کیمدن تاریخ درسی آلماغا احتیاجی اولمادیغینی وورغولادی.
بیلگیچ، "هئچ بیر حقوقی و تاریخی اساسی اولمایان بو بصیرتسیز گیریشیمین، فرانسا سناسینین اعتبارسیزلیغینی گوجلهندیرمکدن باشقا هئچ بیر نتیجهسی و یا جدییه آلیناجاق بیر طرفی یوخدور. فرانسا سناسی باشقالارینا تاریخ درسی وئرمک یئرینه اؤز تاریخینه باخمالیدیر" دگرلندیرمهسینی پایلاشدی.
ایلگیلیلی خبرلر
رجب طیب اردوغان برونئی، سومالی و ایسپانیا سفیرلرینی قبول ائدیب
برونئی، سومالی و ایسپانیا سفیرلری اعتیمادنامهلرینی اردوغانا تقدیم ائدیبلر