اردوغان: ایستیقلالا عاشیق بیر میللت تاریخین آخیشینی دییشدیرمیشدیر
"وطنینی و اؤزگورلوگونو جانی باهاسینا قورویان بیر میللت قارشیسیندا دورابیلهجک هئچ بیر قوتین، هئچ بیر سلاحین اولمادیغی گؤرولموشدور"
جمهورباشقانی رجب طیب اردوغان، چاناققالا ساواشلارینین بؤیوک بیر قهرمانلیق حماسهسی اولدوغونو ایفاده ائدرک،
"ایستیقلالا عاشیق بیر میللت ۱۰۷ ایل اؤنجه تاریخین آخیشینی دییشدیرمیشدیر" دئدی.
جمهورباشقانی اردوغان، چاناققالا ظفرینین ۱۰۷.جی ایلی سببی ایله شهیدلر آنیدینداکی تؤرهنینده دانیشدی.
چاناققالا ساواشلارینین میللتین وطن سئورلیک، فداکارلیق، جسارت کیمی یوکسک فضیلتلرینین سرگیلندیگی بؤیوک بیر قهرمانلیق حماسهسی اولدوغونو، اینانجی اوغروندا اؤلومو گؤزه آلمیش ایستیقلالا عاشیق بیر میللتین ۱۰۷ ایل اؤنجه تاریخین آخیشینی دییشدیردیگینی ایفاده ائتدی.
چاناققالادا ایمانلی اورکلر قارشیسیندا دونیانین ان گوجلو اوردولارینین خسرانا اوغرادیغینی، ایشغال روحو قارشیسیندا اینانجین غالیب گلدیگینی وورغولایان اردوغان،
"وطنینی و اؤزگورلوگونو جانی باهاسینا قورویان بیر میللت قارشیسیندا دورابیلهجک هئچ بیر قوتین، هئچ بیر سلاحین اولمادیغی گؤرولموشدور. تورک میللتی چاناققالادا وئردیگی بنزرسیز مباریزیله بوتون مظلوملارا اومود اولموش، سؤمورگه آلتینداکی بیر چوخ اؤلکه چاناققالادان آلدیقلاری الهاملا اؤز مباریزهلرینی باشلاتمیشلار. چاناققالا ظفری بو باخیمدان یالنیز بیزیم دئییل، یوز میلیونلارجا قارداشیمیزین، مظلوم خالقلارین دا اورتاق ظفریدیر" ایفادهلرینی ایشلتدی.
"چاناققالا، میللت اولاراق بیزیم ابدی و ازلی قارداشلیغیمیزی، قدر اورتاقلیغینی عکس ائتدیرر، سیمگهلهییر" دئیهن اردوغان،
"ربیم بیزی شهیدلریمیزین یولوندان آییرماسین. ۱۸ مارس شهیدلر گونونده آنافارتالار قوموتانی و جمهوریتیمیزین قوروجوسو غازی مصطفی کمال باشدا اولماق اوزره بوتون شهیدلریمیزی خیرله یاد ائدیر، اللهدان رحمت دیلهییرم" شکلینده دانیشدی.
جمهورباشقانی رجب طیب اردوغان داها سونرا ۱۹۱۵ چاناققالا کؤرپوسونون آچیلیشینی گرچکلشدیردی.
ایلگیلیلی خبرلر
رجب طیب اردوغان برونئی، سومالی و ایسپانیا سفیرلرینی قبول ائدیب
برونئی، سومالی و ایسپانیا سفیرلری اعتیمادنامهلرینی اردوغانا تقدیم ائدیبلر