آکاردان، چاناققالا دنیز ظفری مئساژی
"نجیب خالقیمیزین قهرمان اؤولادلاری بیر عصر اؤنجه وطنیمیزی ایشغال ائتمهیه جهد ائدنلرین قارشیسیندا چاناققالانی هئچ واخت گئچهبیلمهیهجگینی بوتون دونیایا گؤستردی"
میللی ساوونما باخانی حولوصی آکار، وطنی مستملکه ائتمک، میللتی اسارته محکوم ائتمک، اونو تاریخ صحنهسیندن سیلمک ایستهیهنلره قارشی چاناققالادا ائدیلن مباریزه روحونون دونن اولدوغو کیمی بو گون ده تورک میللتینین وارلیغینین شرطی اولدوغونو بیلدیردی.
باخان آکار یاییملادیغی آچیقلامادا، چاناققالا دنیز ظفرینین ۱۰۷.جی ایلدؤنومونو تبریک ائتدی.
آکار بو غلبهنین عثمانلی جغرافیاسینین هر بؤلگهسیندن قهرمانلارین فداکارلیغی، اوردونون و میللتین چیگین چیگینه مباریزهسی، میللی بیرلیک روحو ایله الده ائدیلدیگینی وورغولادی.
ساوونما باخانی، "شانلی تاریخی بویو اگمن و مستقیل حیاتی کاراکتر اولاراق منیمسهمیش نجیب خالقیمیزین قهرمان اؤولادلاری بیر عصر اؤنجه وطنیمیزی ایشغال ائتمهیه جهد ائدنلرین قارشیسیندا چاناققالانی هئچ واخت گئچهبیلمهیهجگینی بوتون دونیایا گؤستردی" دئیه دانیشدی.
آکار، "دونن میللی-معنوی دگرلریمیزی قوروماق عزمی ایله وطنیمیزه باسقین ائتمهیه جهد ائدنلره قارشی ساواشان قهرمان اوردوموز، بو گون ده اگمنلیگیمیز، مستقیللیگیمیز و ۸۵ میلیون وطنداشیمیزین، دؤولتیمیزین گوونلیگینه قارشی بوتون تهدید و تهلوکهلره قارشی مباریزه آپارمیشدیر. میلیونلارجا وطنداش 'اؤلسم شهید، قالسام غازی...' آنلاییشی ایله مباریزهسینی عزم و قطعیتله داوام ائتدیریر" ایفادهلرینی ایشلتدی.
ایلگیلیلی خبرلر
رجب طیب اردوغان برونئی، سومالی و ایسپانیا سفیرلرینی قبول ائدیب
برونئی، سومالی و ایسپانیا سفیرلری اعتیمادنامهلرینی اردوغانا تقدیم ائدیبلر