میللی ساوونما ناظیری حولوصی آکار بروکسل-ده
میللی ساوونما ناظیری حولوصی آکار بروکسل-ده سفردهدیر.
میللی ساوونما ناظیری حولوصی آکار ناتو ساوونما ناظیرلری توپلانتیسیندا ایشتیراک ائتمک اوچون بلژیک-ین پایتاختی بروکسل-ده ناتو قرارگاهینا گئدیب.
تورکیه-نین ناتو-داکی دایمی نومایندهسی، سفیر باسات اؤزتورک و دیگر رسمی شخصلر طرفیندن قارشیلانان آکار ناتو-نون دایمی نومایندهسی و تورکیه حربی نومایندهسینی زیارت ائدیب.
شخصی هئیتله گؤروشن و گؤرولن ایشلر حاقیندا معلومات آلان ناظیر آکار جمهور باشقانی رجب طیب اردوغانین رهبرلیگی ایله اولوسلار آراسی آلاندا دقت مرکزینده اولان تورکیه-نین چوخ مهم ایشلر گؤردوگونو و جدی اوغورلار قازاندیغینی بیلدیریب.
چوخ فرقلی فاکتور و عامللره گؤره حساس بیر دؤور کئچیردیگیمیزی وورغولایان آکار "85 میلیونلوق تورکیه-نین سیزدن بؤیوک گؤزلنتیلری وار. بو ایل تورکیه-نین ناتو-یا عضو اولماسینین 70-جی ایلدؤنومودور. تورکیه ناتو-نون دگر و عهده لیک لرینی بؤلوشهرک، 1952-جی ایلدن بری اوزرینه دوشن بوتون وظیفه و میسیون لاری اوغورلا یئرینه یئتیریب. بو، بیر طرفدن ناتو میسیون لارینا دستک وئرمکله یاناشی، اؤلکهمیزین حقوق و ماراقلارینی قوروماق اوچون مهم موحیطدیر” دئییب.
حولوصی آکارین گون عرضینده بعضی اؤلکهلرین ساوونما ناظیرلری ایله ایکی طرفلی گؤروشلری ده پلانلاشدیریلیر.
ایلگیلیلی خبرلر
جمهور باشقانی اردوغان کوزوو باش ناظیری ایله گوروشوب
جمهور باشقانی رجب طیب اردوغان پایتاخت آنکارادا تماسلارینی داوام ائتدیریر.