تورکیهدن هولوکاستی آنما گونو مئساژی
«بو دؤنمده، چوخ ساییدا یهودی توپلاما دوشرگهلرینه گؤندریلمکدن تورک حکومتینین عزمی و تورک دیپلوماتلارینین انسان اۆستو چابالاری سایهسینده قورتولموشدور»
تورکیه، نازی رژیمی و ایشبیرلیکچیلری طرفیندن سیستماتیک شکیلده قتله یئتیریلهن یهودیلر، قاراچیلار، علیللری ایله هدف آلینان آزینلیق و قروپلارا منسوب میلیونلارجا اینسانین سایغییلا یاد ائدیلدیگینی بیلدیردی.
خاریجی ایشلر باخانلیغیندان «اولوسلارآراسی هولوکاستی آنما گونو» موناسیبتی ایله وئریلهن یازیلی آچیقلامادا، عثمانلی امپراتورلوغو و تورکیهنین، تاریخ بویونجا دونیانین مختلیف یئرلرینده ظلمه معروض قالان یهودیلر ده داخیل میلیونلارجا انسانین سیغیندیغی گوونلی بیر سیغیناجاق اولدوغو بیلدیریلرک، ایکینجی دونیا ساواشی سیراسیندا دا نازیلردن قاچان بیر چوخ یهودییه قوجاق آچیلدیغی وورغولاندی.
آچیقلامادا، بو پروسهده ضررچکهنلره تورک دیپلوماتلارین یاردیم الی اوزاتدیغی خاطیرلادیلاراق، «بو دؤنمده، چوخ ساییدا یهودی توپلاما دوشرگهلرینه گؤندریلمکدن تورک حکومتینین عزمی و تورک دیپلوماتلارینین انسان اۆستو چابالاری سایهسینده قورتولموشدور. ضرر چکهنلره یاردیم الی اوزادان دیپلوماتلاریمیزین خاطرهسینی ده بو وسیله ایله یاد ائدیریک» ایفادهلرینه یئر وئریلدی.
هولوکاست قوربانلارینین بو ایل کووید-۱۹ سببیله آنلاین اولاراق تشکیل ائدیلن مراسیمله آنیلاجاغی بیلدیریلن آچیقلامادا بئله داوام ائدیلدی:
«تورکیه؛ آنتیسمیتیزمه، خارجی دوشمنلیگینه، عیرقچیلیغا، اسلام قارشیدلیغینا و هر چئشید خوشگؤروسورلوگه قارشی سرگیلهدیگی باریشماز توتومونا داوام ائتمکده و نیفرته اساسلی سؤیلم و سوچلارلا مباریزهیه اولوسلارآراسی امکداشلیغا قاتقی وئرمکدهدیر».
ایلگیلیلی خبرلر
میللی مودافیعه ناظیرلیگی ترورلا موباریزه ایله باغلی معلومات وئریب
میللی مودافیعه ناظیرلیگی: 2024-جو ایلین اولیندن ضررسیزلشدیریلن ترورچولارین سایی 1048-ه چاتیب