تورکون قهرمان‌لیق تاریخی - چاناق‌قالا
بوگون تورک میللتینین یئنیدن وار اولوش حماسه‌سی، چاناق‌قالا ظفرینین ۱۰۶.جی ایل دؤنومودور
ایستانبولو ایشغال ائتمک و عثمانلی ایمپراتورلوغونو بیرینجی دونیا ساواشیندان کناردا ساخلاماق اوچون آنتانتا اتفاقی دؤولتلری ۱۹۱۵-جی ایلده چاناق‌قالا بوغازینی گئچمه‌یه چالیشدی، آنجاق باشاریلی اولا بیلمه‌دیلر: اینگیلتره و فرانسانین بیرلشمیش دنیز دونانماسی اوردولارینا قارشی تورک لیدئر مصطفی کمالین باشچی‌لیق ائتدیی عثمانلی اوردوسونون مقاومتی ۱۸ مارس‌دا ظفرله نتیجه‌له‌ندی. بو گون تاریخه «۱۸ مارس دنیز ساواشی» اولاراق دوشدو.
تورکیه اوردوسو بیرلشمیش اتفاق اوردوسونون ۳ زره‌لی گمی‌سینی باتیردی، ۴ زره‌لی گمییه ایسه آغیر ضربه ووراراق اونلارین ساواش گوجونو محو ائتدی.
آنتانتا دؤولتلری (اوچلو اتفاق) چاناق‌قالا بوغازینی دونانما ایله گئچه بیلمه‌یه‌جکلرینی گؤرونجه قورو اوردوسو ایله گئلی‌بولو یاریم‌آداسینی ایشغال اوچون ۲۵ آوریل‌ده آدایا یؤنلدیلر.
قید ائدک کی، چاناق‌قالا ساواشی عثمانلی ایمپراتورلوغو ایله آنتانتا دؤولتلری آراسیندا ۱۹۱۵.جی ایلده آنادولونون گئلی‌بولو یاریم‌آداسی اوغرون‌دا دنیز، قورو و هاوا ساواشلاری ایدی.
ایلگیلی‌لی خبرلر
رجب طیب اردوغان برونئی، سومالی و ایسپانیا سفیرلرینی قبول ائدیب
برونئی، سومالی و ایسپانیا سفیرلری اعتیمادنامه‌لرینی اردوغانا تقدیم ائدیبلر
