آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی
ایرانین ۸.جی جمهورباشقانی ابراهیم رئیسی و خاریجی ایشلر باخانی حسین امیرعبداللهیانین هلیکوپتر قضاسیندا حیاتینی ایتیرمهسی اۆزرینه، باشساغلیغی مئساژلاری پایلاشیلیر.
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی.
علییئو، مئساژیندا "بو کدرلی گونده اوجا اللهدان دوست و قارداش ایران خالقینا دؤزوم و متانت دیلهییر، آجیلارینی پایلاشدیغیمیزی ایفاده ائدیر، سیزه، حیاتینی ایتیرهنلرین عائله و یاخینلارینا، بوتون خالقینیزا اؤز آدیما و آذربایجان خالقی آدینا باشساغلیغی دیلهییرم. الله رحمت ائتسین" دئدی.
آذربایجان خاریجی ایشلر باخانلیغی ایسه یاییملادیغی باشساغلیغی مئساژیندا، "اؤلنلرین عائلهلرینه و سئوهنلرینه ان صمیمی تعزیهلریمیزی سونوروق. سؤزلرله ایضاح ائدیلهبیلمهیهجک قدر تراژیک بیر ایتکی اولان بو اۆرک پارچالاییجی اؤلوملرین یاسینی توتوروق. آذربایجان، قارداش و دوست ایران اسلام جمهوریتینه دستک و دایانیشما سونماقدادیر" ایفادهلرینی ایشلتدی.
آذربایجان خاریجی ایشلر باخانی جئیهون بایراموو دا مئساژیندا "قارداش ایران میللتینه، بو تراژیک قضادا حیاتینی ایتیرهنلرین عائلهلرینه و دوستلارینا ان درین باشساغلیغی دیلکلریمی چاتدیریرام" دئدی.