آذربایجان، فرانسه‌نین «آذربایجانین یئنی کالدونیاداکی حادیثه‌لره موداخیله‌سی» ادعالارینی پیسلَییب
فرانسه داخیلی ایشلر ناظیری فرانسه‌نین هند-پاسیفیک اقیانوسداکی موختار بؤلگه‌سی اولان یئنی کالدونیادا موستقیللیک طرفدارلارینین لیدرلرینین آذربایجانلا علاقه‌سینین اولدوغونو ادعا ائدیب
آذربایجان یئنی کالدونیادا باش وئرن حادیثه‌لرده آذربایجانی گوناهلاندیران فرانسه‌یه عکس‌العمل وئریب.
آذربایجان خاریجی ایشلر ناظیرلیگینین مطبوعات خیدمتینین رهبری آیهان حاجیزاده فرانسه‌نین داخیلی ایشلر ناظیری جئرالد دارمانینین «آذربایجانین یئنی کالدونیاداکی حادیثه‌لره موداخیله‌سی» ایله باغلی ادعالارینا،
"بیز فرانسه‌نین آذربایجانا قارشی آشاغیلاییجی بَیاناتلارینی قطعیتله پیسلَییر و «ارمنیلرین کوتلوی شکیلده قتله یئتیریلمه‌سی» کیمی قبول ائدیله‌مز اتهاملارلا آذربایجانا قارشی آپاریلان قارایاخما کامپانیاسینا سون قویولماسینی طلب ائدیریک." دئدی.
حاجیزاده وئردیگی یازیلی آچیقلامادا فرانسه‌نین داخیلی ایشلر ناظیری دارمانینین بیر تلویزیون کانالینا وئردیگی مصاحیبه‌ده آذربایجانا قارشی ادعالار سسلندیردیگینی بیلدیریب.
دارمانینین فرانسه‌نین هند-پاسیفیک اقیانوسداکی موختار بؤلگه‌سی اولان یئنی کالدونیادا موستقیللیک طرفدارلارینین لیدرلرینین آذربایجانلا علاقه‌سینین اولدوغونو ادعا ائتدیگینی خاطیرلادان حاجیزاد،
"بیز فرانسه ناظیرینین اساس‌سیز ادعالارینی تامامیله رد ائدیریک." دئدی.
حاجیزاده، "بیز فرانسه‌نین آذربایجانا قارشی آشاغیلاییجی بَیاناتلارینی قطعیتله پیسلَییر و «ارمنیلرین کوتلوی شکیلده قتله یئتیریلمه‌سی» کیمی قبول ائدیله‌مز اتهاملارلا آذربایجانا قارشی آپاریلان قارایاخما کامپانیاسینا سون قویولماسینی طلب ائدیریک." چاغیریشی ائتدی.
دارمانینین اؤلکه‌سینین یئرلی خالقلارا قارشی اینسانلیغا قارشی تؤرتدیگی جینایتلری و میلیونلارلا گوناهسیز اینسانین وحشیجه‌سینه قتله یئتیریلمه‌سینه سبب اولان استعمارچیلیق کئچمیشینی خاطیرلاسا، داها دوغرو اولاجاغینی بیلدیرن حاجیزاد،
"فرانسه داخیلی ایشلر ناظیری آذربایجانی یئنی کالدونیادا موستقیللیک طرفداری اعتراضلاری دسته‌کله‌مکده اتهام ائتمک عوضینه، دقتینی اؤز اؤلکه‌سینین بو جور اعتراضلاری آلوولاندیران خاریجده‌کی اوغورسوز سیاستینه یؤنلتمه‌لیدیر. بیز بیر داها فرانسه‌نی اؤلکه‌میزه قارشی ساختا اتهاملارا سون قویماغا چاغیریریق." قیمتلندیرمسینی ائتدی.
یئنی کالدونیادا موستقیللیک طرفدارلاری اونلارین سئچکیلرده تأثیرینی آزالداجاق اولان فرانسه حؤکومتینین آنایاسا اصلاحاتلاری تشبوثونه قارشی چیخیرلار.
آدادا سون 2 گونده آرتان زوراکیلیقلاردا 200-ه یاخین ایش یئری و 50-دن چوخ اتومبیل یاندیریلیب.
حادیثه‌لر زامانی 130 نفر ساخلانیلیب، 60-دان چوخ موحافیظه‌چی یارالانیب.
یئنی کالدونیادا آرتان زوراکیلیقدان سونرا فؤوق‌العاده وضعیت اعلان ائدیلیب.
