تورک دؤولتلری آراسیندا آنلاشما ایمضالاندی
تورک دؤولتلرینین امکداشلیغی انرژی ساحهسینده ده داوام ائدجک
تۆرکیه، آذربایجان، قازاقیستان، قیرقیزیستان و اؤزبکیستانین انرژی ایش ساحهسیندهکی سندیکالاری آراسیندا امکداشلیق آنلاشماسی ایمضالاندی.
بئش اؤلکهنین ایشچی فدراسیون و کنفدراسیونلاری، ۲۲ سپتامبر ۲۰۲۳ده اؤزبکیستاندا تورک دؤولتلری سندیکالار تشکیلاتینی قوردو.
فدراسیون و کنفدراسیونلار سویهسیندهکی امکداشلیغی سندیکالار سویهسینده ده حیاتا گئچیرمک اوچون بئش اؤلکهنین انرژی ایش قولونداکی سندیکالاری، تۆرکیهدن تئس-ایشین (TES-İŞ) ائو صاحیبلیگینده بالیکئسیرده بیر آرایا گلدی.
تورک دؤولتلری انرژی سندیکالاری آراسیندا امکداشلیق آنلاشماسی ایمضالاندی.
امکداشلیق آنلاشماسینی، آذربایجان الکترو انرژی و التروتکنیک صنایع ایشچیلری سندیکاسی، قازاقیستان انرژی مهندسلری سندیکاسی، قیرقیزیستان انرژی و ائلئکتریک صنایعسی ایشچیلری سندیکاسی ایله اؤزبکیستان انرژی، نفت، گاز و ژئولوژی ایشچیلری سندیکاسی ایمضالادی.
تورک دؤولتلرینین امکداشلیغی انرژی ساحهسینده ده داوام ائدجک.
بو آنلاشما چرچیوهسینده، سندیکالار اولاراق تورک دؤولتلری تشکیلاتینین مقصد و فعالیتلرینی دقته آلاراق، احاطهلی و متعادل اقتصادی بؤیومه، اجتماعی و مدنی ایرلیلهمه اوچون چابا گؤسترهجک، هر ساحهده قارشیلیقلی چیخار تامین ائدن قالیجی آددیملارلا امکداشلیغی گوجلهندیرهجک.