تاتار: قیبریسده فدرال تملده بیر حل تۆکنمیشدیر
ارسین تاتار، بوندان سونرا قوزئی قیبریس تۆرک جمهوریتینین تانینیرلیغینین داها دا آرتیریلماسی اوچون چابا گؤستره‌جکلرینی ایفاده ائد‌رک، بو معنادا اؤزلرینه دایما دستک وئره‌ن تۆرکیه‌یه تشکر ائتدی
قوزئی قیبریس تۆرک جمهوریتی جمهورباشقانی ارسین تاتار، قیبریس تۆرک خالقینین اولوسلارآراسی برابر ایستاتوسو، اگمنلیگی قبول ائدیلمه‌دیگی مدتجه، روملار ایله رسمی مذاکیره سۆره‌جینین باشلادیلماسینین ممکن اولمادیغینی ایفاده ائتدی.
قوزئی قیبریس تۆرک جمهوریتینین "گؤزلمچی" عضو ایستاتوسوندا اولماسیندان اؤترو گامبیانین باشکندی بانجول‌دا تشکیل ائدیله‌ن ایسلام امکداش‌لیق تشکیلاتی ۱۵.جی ذیروه‌سینه قاتیلان تاتار، لئفکوشایا قاییدیش زامانی ارجان هاوالیمانیندا مطبوعات توپلانتیسی تشکیل ائتدی.
تاتار، بوندان سونرا قوزئی قیبریس تۆرک جمهوریتینین تانینیرلیغینین داها دا آرتیریلماسی اوچون چابا گؤستره‌جکلرینی ایفاده ائد‌رک، بو معنادا اؤزلرینه دایما دستک وئره‌ن تۆرکیه‌یه تشکر ائتدی.
قوزئی قیبریس تۆرک جمهوریتینین بوتون ساحه‌لرده تۆرکیه ایله اویوملو سیاست ایجرا ائتدیگینه ایشاره ائد‌ن تاتار، روملار ایله رسمی مذاکیره سۆره‌جینه باشلاماق اوچون اؤن شرطلرینین قیبریس تۆرک خالقینین اولوسلارآراسی برابر ایستاتوسو، اگمنلیگی و دؤولتینین قبول ائدیلمه‌سی اولدوغونو وورغولادی.
تاتار، بئله داوام ائتدی:
"قیبریسده فدرال تملده بیر حل تۆکنمیشدیر. بیزیم ایکی دؤولتلی‌لیگی تمل آلان یئنی سیاستیمیزدن گئری آددیم سؤز قونوسو دئییل. بو وضعیتی بو هفته ایچین‌ه گؤروشه‌جه‌گیم بیرلشمیش میللتلر باش کاتیبی قیبریس اؤزل نماینده‌سی ماریا آنجلا هولگوین کوئلارا بیلدیره‌جه‌یه‌م. موذاکیره‌لر، آنجاق ایکی دؤولتلی، اگمن برابر، اولوسلارآراسی ایستاتوسو تصدیق ائدیلمیش یئنی سیاستیمیز تملینده اولابیلر".
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
