ارمنیستان، آذربایجان سرحدینه عسگری ییغیناق ائدیر
"ارمنیستان اوردوسونون هر جور عسگری تخریبات گیریشیمی آذربایجان اوردوسون طرفیندن عزمله اؤنلهنهجک"
آذربایجان، ارمنیستان اوردوسونون سرحدده عسگری ییغیناق ائتدیگینی بیلدیردی.
آذربایجان ساوونما باخانلیغیندان وئریلن آچیقلامادا، سون واختلاردا ارمنیستان اوردوسونون ایکی اؤلکه سرحدینین فرقلی بؤلگهلرینده سیخ حرکتینین و عسگری ییغیناق ائتدیگینین موشاهیده ائدیلدیگی بیلدیریلدی.
آچیقلامادا، ارمنیستاندا، آذربایجانی ساواشلا تهدید ائدن اینتیقامچی گوجلرین داها دا آکتیولشدیگی، سالدیرقان ایفادهلرین و تحریک ائدیجی خبرلرین ساییسینین آرتدیغینا ایشاره ائدیلدی.
"ارمنیستان اوردوسونون هر جور عسگری تخریبات گیریشیمی آذربایجان اوردوسون طرفیندن عزمله اؤنلهنهجک. وضعیتین گرگینلشمهسی و اولاسی تخریباتلارین بوتون مسئولیتینین تامامیلا ارمنیستانا و دستکچیلرینه عاید اولاجاغینی بیر دفعه داها اعلان ائدیریک" ایفادهلرینه یئر وئریلدی.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی