ارمنیستان و آذربایجان سرحد تعیینی کمیسیونلاری بیر آرایا گلهجک
"اؤن آنلاشمایا اساساً، ۳۰ نوامبردا، آذربایجان ایله ارمنیستان آراسینداکی دؤولت سرحدلرینین تعیین اولونماسی و سرحد گوونلیگی کمیسیونو سونراکی گؤروشمهسی ائدیلهجک"
ارمنیستان و آذربایجان سرحد تعیین ائتمه کمیسیونلاری، ۳۰ نوامبردا، سرحد بؤلگهسینده بیر آرایا گلهجک.
ارمنیستانین رسمی خبر آژانسی آرمنپرسین خبرینه گؤره، خاریجی ایشلر باخانلیغی سؤزچوسو آنی بادالیان، ارمنیستان ایله آذربایجان آراسیندا، سرحد تعیین ائتمه کمیسیونونون سرحد بؤلگهسینده توپلانماسی قونوسوندا اؤن آنلاشمایا واریلدیغینی ایفاده ائتدی.
بادالیان،
"اؤن آنلاشمایا اساساً، ۳۰ نوامبردا، آذربایجان ایله ارمنیستان آراسینداکی دؤولت سرحدلرینین تعیین اولونماسی و سرحد گوونلیگی کمیسیونو سونراکی گؤروشمهسی ائدیلهجک" ایفادهسینی ایشلتدی.
آذربایجان خاریجی ایشلر باخانلیغی، ۲۱ نوامبردا باریش آنلاشماسی موذاکیرهلری اوچون ارمنیستانا بیرباشا ایکیلی موذاکیرهلره باشلاما چاغیریسی ائتمیشدی.
باخانلیقدان وئریلن آچیقلامادا، آذربایجانین باریش آنلاشماسی تاسلاغینا باغلی تکلیفلرینه ارمنیستانین جاواب وئرمهسینین تخمیناً ۲،۵ آی داوام ائتمهسینین، سۆرهجی جدی معنادا گئجیکدیردیگی ایفاده ائدیلمیشدی.
آچیقلامادا، ایکی اؤلکهنین قارشیلیقلی اولاراق قبول ائدیلهبیلیر بیر یئرین سئچیلمهسی و یا سرحدده بیر ییغینجاق ائدیلمهسینه قرار وئریلمهسی ده داخیل اولماق اوزره باریش سۆرهجسنی داوام ائتدیرمکدن مسئول اولدوغو وورغولاناراق،
"ارمنیستان طرفینه یئنی گرکسیز گئجیکمهلردن قاچینما چاغریسی ائدیریک و موذاکیرهلرین تئز زاماندا باشلاماسی اوچون بو چاغرییا مثبت جاواب وئرمهلرینی اومود ائدیریک" ایفادهلری یئر آلمیشدی.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی