تورک دؤولتلری خبر آژانسلاری آراسیندا بیرلیک قورولور

تورک دؤولتلری تشکیلاتی باش کاتیبی کوبانیچ‌بک عؤمورعلیئو، بؤلگه اؤلکه‌لری خبر آژانسلارینین یئنی اتفاق قوراجاغینی ایفاده ائد‌رک، دیس اینفورمیشن و یالان خبرلره قارشی اورتاق موباریزه ائدیله‌جگینی سؤیله‌دی.
ایستانبول‌دا تشکیل ائدیله‌ن تورک خبر آژانسلاری مئدیا ذیروه‌سینین آچیلیشیندا دانیشان عؤمورعلیئو، تورک دؤولتلری آراسینداکی امکداشلیغین بؤلگه‌نین باریش و قالخینماسی اوچون بؤیوک اؤنم داشیدیغینی ایفاده ائد‌رک، تورک دؤولتلری آراسیندا مئدیا بیرلیگی قورولماسی اوچون ده ایمضا آتاجاقلارینی بیلدیردی.
قونوسونون 'مئدیادا بیرلیک و گله‌جک ویزیونو' اولدوغو بیلدیریله‌ن ذیروه‌ده، 'تورک دونیاسین‌دا آژانس خبرچیلیگینین یئنی گوند‌ملری' و 'تورک دونیاسینین گله‌جک ویزیونو: یئنی امکداش‌لیق ساحه‌لری' باشلیقلی پنئللر تشکیل ائدیله‌جک.
ذیروه سونوندا آنادولو آژانسی (آآ)، آذربایجان دؤولت خبر آژانسی (آزرتاج)، قیرقیز اولوسال خبر آژانسی (کابار)، اؤزبکیستان اولوسال خبر آژانسی (اوزا) و قازاقیستاندان (قازکونتنت) آراسیندا بیرلیک آنلاشماسی ایمضالانماسی گؤزله‌نیلیر.