آذربایجانین، قاراباغداکی ارمنیلره یاردیم گؤندردی
آذربایجان فؤوقالعاده حاللار باخانلیغی طرفیندن حاضرلانان اینسانی کؤمکلری داشییان ۲تریلی و ۲ کامیون، آغدام شهرینه دوغرو یولا چیخدی
آذربایجان فؤوقالعاده حاللار باخانلیغینین قاراباغداکی ارمنیلرین عاجیل احتیاجلارینی قارشیلاماق اوچون گؤندردیگی اینسانی کؤمک لوازیمینی داشییان آراجلار بؤلگهیه حرکت ائتدی.
آذربایجانلی مقاملار ایله قاراباغداکی ارمنی اهالینین نمایندهلرینین دونن آذربایجانین یئولاخ شهرینده ائتدیگی گؤروشمهده، اینسانی کؤمک قونوسو دا گوندمه گلمیشدی.
ارمنی اهالینین نمایندهلری آذربایجاندان، بؤلگهدهکی ارمنیلرین عاجیل احتیاجلارینین قارشیلانماسینی ایستهمیشدی.
بو طلب ایستیقامتینده آذربایجان فؤوقالعاده حاللار باخانلیغی طرفیندن حاضرلانان اینسانی کؤمکلری داشییان ۲تریلی و ۲ کامیون، آغدام شهرینه دوغرو یولا چیخدی.
۴۰ تون یئیهجک و تمیزلیک محصولونون یانیندا چؤرک ده داشییان آراجلار آغدامدان گئچهرک، ارمنی اهالینین یاشادیغی خانکندی شهرینه چاتاجاق و کؤمکلر بؤلگهدهکی احتیاج صاحبلرینه پایلاناجاق.
آذربایجان فؤوقالعاده حاللار باخانلیغی قاراباغ بؤلگه مودورو میرغلی فیضییئوی، قاراباغداکی ارمنی اهالینین احتیاجلارینین قارشیلانماسی اوچون اینسانی کؤمکلره داوام ائدجکلرینی سؤیلهدی.