روسیا قیریم تاتار میللی مجلیسینین بیناسینی مصادیره ائدجگینی آچیقلاییب
روسیا قانونسوز ایلحاق ائتدیگی قیریم-ین آک مسجید شهریندهکی قیریم تاتار میللی مجلیسینین (KTMM) بیناسینی مصادیره ائدیر.
روسیا قانونسوز ایلحاق ائتدیگی قیریم-ین آک مسجید شهریندهکی قیریم تاتار میللی مجلیسینین (KTMM) بیناسینی مصادیره ائدیر.
قیریم-ین قوندارما رهبری سئرگی آکسنوو سوسیال مدیا حسابیندان وئردیگی آچیقلامادا یاریم آدادا "روسیایا دوشمن اولانلارین" ملکلرینین مصادیره ائدیلمهسینین داوام ائتدیگینی بیلدیریب.
سئرگی آکسنوو " سیمفروپل-دا (آک مسجید) بیر سیرا موسسه لر، او جملهدن روسیادا قاداغان اولونموش افراطی پارلامنته مخصوص بینا دا قیریم جمهوریتینین ملکیتینه تحویل وئریلیر" ایفادهسینی ایشلدیب.
بوندان علاوه، آکسنوو بیان ائدیب کی، اوکراینا پرزیدنتی ولودیمیر زلنسکینین حیات یولداشی اولنا زلنسکایا مخصوص ایقامتگاه دا مصادیره یه داخیل ائدیلیب.
2014 -جو ایلده قیریمین اوکراینادان ایلحاقیندان سونرا قیریم تاتار تورک خالقینین لیدری مصطفی عبدالجمیل قیریم اوغلو باشدا اولماقلا بیر چوخ قیریم تاتار میللی مجلیسینین عضوونه روسیا طرفیندن قیریما گیریش قاداغان ائدیلیب.
داها سونرا قیریم تاتارلارینین ایرادهسینی تمثیل ائدن قیریم تاتار میللی مجلیسی روسیا محکمهسی طرفیندن "افراطی تشکیلات" کیمی تانینیب و فعالیتینه سون وئریلیب.