آذربایجان و ارمنیستان خاریجی ایشلر باخانلاری گؤروشدو
پاشینیان، گؤروشمهده آذربایجان و ارمنیستان آراسیندا باریش آنلاشماسی لایحهسینین حاضیرلاناجاغینی ادعا ائتمیشدی
1887414
آذربایجانین خاریجی ایشلر باخانی جیحون بایراموو و ارمنیستانین خاریجی ایشلر باخانی آرارات میرزویان گؤروشهرک اؤلکهلری آراسیندا ایمضالانان باریش آنلاشماسینین شرطلرینی موذاکیره ائتدی.
آذربایجان خاریجی ایشلر باخانلیغینین توییتر حسابیندان ائدیلن پایلاشیمدا، ایکی اؤلکهنین خاریجی ایشلر باخانلارینین گؤروشمهسینین سوئیسین ژنو شهرینده گئچیریلدیگی بیلدیریلدی.
ارمنیستانین باشباخانی نیکول پاشینیان، ۳۰ سپتامبردا ارمنیستان دؤولت تلویزیونونداکی موصاحیبهسینده ایکی اؤلکه آراسیندا خاریجی ایشلر باخانلاری سویهسینده دانیشیقلارین ۲ اکتبردا باش توتاجاغینی بیلدیرمیشدی.
پاشینیان، گؤروشمهده آذربایجان و ارمنیستان آراسیندا باریش آنلاشماسی لایحهسینین حاضیرلاناجاغینی ادعا ائتمیشدی.
آذربایجان حکومتی گؤروشمهنین مضمونو ایله باغلی آچیقلاما وئرمهمیشدی.